കോവിഡ് പ്രാഥമിക പരിശോധന കഴിഞ്ഞ തമിഴ്​ യുവാവ് ആശുപത്രിയിൽനിന്ന്​ മുങ്ങി

അ​മ്പ​ല​പ്പു​ഴ: കോ​വി​ഡ് പ്രാ​ഥ​മി​ക പ​രി​ശോ​ധ​ന ക​ഴി​ഞ്ഞ യു​വാ​വ് ആ​ശു​പ​ത്രി​യി​ൽ​നി​ന്ന്​ മു​ങ്ങി. ചെ​ന്നൈ സ്വ​ദേ​ശി ഭു​വ​ര​ശ​നാ​ണ്​ (22)  ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി കോ​വി​ഡ്​ അ​ത്യാ​ഹി​ത വി​ഭാ​ഗ​ത്തി​ൽ​നി​ന്ന്​ വെ​ള്ളി​യാ​ഴ്ച വൈ​കീ​ട്ട് ആ​റു മ​ണി​യോ​ടെ ഇ​റ​ങ്ങി​പ്പോ​യ​ത്.

ആ​ല​പ്പു​ഴ​യി​ൽ ഹൗ​സ് ബോ​ട്ടി​ലെ ജീ​വ​ന​ക്കാ​ര​നാ​യ ഇ​യാ​ൾ വെ​ള്ളി​യാ​ഴ്ച പു​ന്ന​മ​ട​യി​ൽ എ​ത്തി​യ​താ​ണ്. പ്രാ​ഥ​മി​ക പ​രി​ശോ​ധ​ന​ക്കാ​യി ഇ​യാ​ളെ ആ​ല​പ്പു​ഴ മെ​ഡി​ക്ക​ൽ കോ​ള​ജി​ൽ  എ​ത്തി​ച്ചു. 

പ​രി​ശോ​ധ​ന​ക്കു​ശേ​ഷം ഹ​രി​പ്പാ​ട് താ​ലൂ​ക്ക് ആ​ശു​പ​ത്രി​യി​ലെ ക്വാ​റ​ൻ​റീ​നി​ലാ​ക്കാ​ൻ ഡോ​ക്ട​ർ നി​ർ​ദേ​ശി​ച്ചു. ഇ​തി​നാ​യി ആം​ബു​ല​ൻ​സ് കാ​ത്തി​രി​ക്കു​ന്ന​തി​നി​ടെ ആ​ശു​പ​ത്രി​യി​ൽ നി​രീ​ക്ഷ​ണ​ത്തി​ൽ ക​ഴി​ഞ്ഞി​രു​ന്ന  സ്ത്രീ ​മാ​ന​സി​ക അ​സ്വ​സ്ഥ​ത പ്ര​ക​ടി​പ്പി​ച്ചു. 

അ​ത്യാ​ഹി​ത​ത്തി​ലു​ണ്ടാ​യി​രു​ന്ന ഡോ​ക്ട​ർ​മാ​ർ സ്ത്രീ​യു​ടെ അ​ടു​ത്തേ​ക്ക് പോ​യ ത​ക്കം നോ​ക്കി  ഭു​വ​ര​ശ​ൻ മു​ങ്ങു​ക​യാ​യി​രു​ന്നു. പൊ​ലീ​സ് തി​ര​ച്ചി​ൽ ന​ട​ത്തി​യെ​ങ്കി​ലും ഇ​യാ​ളെ ക​ണ്ടെ​ത്താ​നാ​യി​ല്ല.