പാലക്കാട്: കാരാക്കുറുശ്ശിയില് കോവിഡ് ബാധിച്ച ആളുടെ മകനും കെ.എസ്.ആർ.ടി.സി കണ്ടക്ടറുമായ വ്യക്തി ജില്ല ആശുപത്രിയിൽ നിരീക്ഷണത്തിൽ തുടരുകയാണെന്ന് ഡി.എം.ഒ അറിയിച്ചു. ഇദ്ദേഹത്തിെൻറ ആദ്യ സാമ്പിൾ പരിശോധനയിൽ കോവിഡ് 19 നെഗറ്റിവാണ്.
എന്നാൽ, ലക്ഷണങ്ങൾ ഉള്ളതിനാൽ അഞ്ച് ദിവസത്തിനുശേഷം രണ്ടാമതും സാമ്പിൾ പരിശോധന നടത്തി ഫലം നെഗറ്റിവ് ആണെന്ന് ഉറപ്പാക്കിയ ശേഷമേ ഔദ്യോഗിക സ്ഥിരീകരണമുണ്ടാകൂ. അതുവരെ ഇദ്ദേഹം ആശുപത്രിയിൽ തുടരും.
അദ്ദേഹവുമായി ബന്ധപ്പെട്ട് നിരീക്ഷണത്തിൽ ഉള്ളവർ ജാഗ്രത തുടരണമെന്നും ആശങ്കപ്പെടേണ്ടെന്നും ഡി.എം.ഒ അറിയിച്ചു. ജില്ലയിൽ ഒരാൾക്ക് കൂടി കോവിഡ് 19 സ്ഥിരീകരിച്ചതോടെ ജില്ലയിൽ രോഗം സ്ഥിരീകരിച്ചവരുടെ എണ്ണം നാലായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.