കോഴിക്കോട്: കോവിഡ് ബാധിതനുമായി സമ്പർക്കം പുലർത്തിയ കരിപ്പൂർ വിമാനത്താവളത്തിലെ കസ്റ്റംസ് ഉദ്യോഗസ്ഥരെ നിരീക്ഷണത്തിലാക്കി. 12 പേരോടാണ് നിരീക്ഷണത്തിൽ കഴിയാൻ നിർദേശിച്ചത്.
നാലു സൂപ്രണ്ടുമാർ അടക്കമുള്ളവരാണ് നിരീക്ഷണത്തിൽ കഴിയേണ്ടത്. രോഗം സ്ഥിരീകരിക്കപ്പെട്ട കാസർകോട് സ്വദേശിയുമായി സമ്പർക്കം പുലർത്തിയതിനെ തുടർന്നാണ് നിർദേശം.
മാർച്ച് 11 രാവിലെ 7.45നാണ് കാസർകോട് സ്വദേശി കരിപ്പൂർ വിമാനത്താവളത്തിലെത്തുന്നത്. പുലർച്ചെ 2.30ന് ദുബൈ വിമാനത്താവളത്തിൽനിന്ന് ഐ.എക്സ് 344 എയർ ഇന്ത്യ വിമാനത്തിൽ കരിപ്പൂരിലേക്കായിരുന്നു യാത്ര. ലഗേജുമായി ബന്ധപ്പെട്ട പ്രശ്നത്തെ തുടർന്ന് ഇയാൾ കരിപ്പൂർ വിമാനത്താവളത്തിൽ കുറെനേരം ചിലവഴിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.