തൃപ്പൂണിത്തുറ: സ്വർണക്കടത്ത് കേസിൽ യൂത്ത് കോൺഗ്രസ് തൃപ്പൂണിത്തുറ നിയോജക മണ്ഡലം കമ്മിറ്റിയുടെ നേതൃത്വത്തിൽ മുഖ്യമന്ത്രി പിണറായി വിജയെൻറ കോലം കത്തിക്കാൻ നടത്തിയ ശ്രമം പൊലീസ് തടഞ്ഞു.
ലായം റോഡിലെ കോൺഗ്രസ് ഓഫിസിൽനിന്ന് കോലവുമായി പ്രവർത്തകർ മുദ്രാവാക്യം വിളിച്ച് ഇറങ്ങിയതോടെ തൃപ്പൂണിത്തുറ സി.ഐ ബി. രാജ്കുമാറിെൻറ നേതൃത്വത്തിൽ പൊലീസ് ബലം പ്രയോഗിച്ച് മുഖ്യമന്ത്രിയുടെ കോലം പിടിച്ചുവാങ്ങിയത് പ്രവർത്തകരുമായി സംഘർഷത്തിനിടയാക്കി.
തുടർന്ന് സ്റ്റാച്യു ജങ്ഷനിലേക്ക് പ്രകടനമായി നീങ്ങിയ പ്രവർത്തകരെ മുനിസിപ്പൽ ഓഫിസിന് സമീപം പൊലീസ് തടഞ്ഞത് വീണ്ടും നേതാക്കളും പൊലീസുമായി വാഗ്വാദത്തിനിടയാക്കി. തുടർന്ന് പ്രവർത്തകർ പ്രതിഷേധയോഗം നടത്തി. യോഗം ഡി.സി.സി ജനറൽ സെക്രട്ടറി രാജു പി. നായർ ഉദ്ഘാടനം ചെയ്തു. അനിൽ ജോർജ് തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.