സർട്ടിഫിക്കറ്റ്​ ഫോർമാറ്റുകൾ മോഷണം പോയതുതന്നെ; ​പൊലീസ് കേസെടുത്തു

കോ​ട്ട​യം: എം.​ജി സ​ര്‍വ​ക​ലാ​ശാ​ല​യി​ല്‍നി​ന്ന് ബി​രു​ദ സ​ര്‍ട്ടി​ഫി​ക്ക​റ്റ്​ ഫോ​ർ​മാ​റ്റു​ക​ൾ മോ​ഷ​ണം പോ​യ​ത്​ ത​ന്നെ​യെ​ന്ന നി​ഗ​മ​ന​ത്തി​ലെ​ത്തി​യ പൊ​ലീ​സ് ഒ​ടു​വി​ൽ എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്ത്​ അ​ന്വേ​ഷ​ണം ആ​രം​ഭി​ച്ചു. എ​ന്നാ​ൽ, പ്ര​തി​സ്ഥാ​ന​ത്ത്​ ആ​രെ​യും ഉ​ൾ​പ്പെ​ടു​ത്തി​യി​ട്ടി​ല്ലെ​ന്നാ​ണ്​ വി​വ​രം.

ഫെ​ബ്രു​വ​രി ഒ​ന്നി​നും ജൂ​ണി​നു​മി​ട​യി​ൽ​ മോ​ഷ​ണം ന​ട​ന്ന​തെ​ന്ന നി​ല​യി​ലാ​ണ്​ ഗാ​ന്ധി​ന​ഗ​ർ പൊ​ലീ​സി​ന്‍റെ​ എ​ഫ്.​ഐ.​ആ​ർ. ഫോ​ർ​മാ​റ്റ്​ ന​ഷ്ട​പ്പെ​ട്ട സം​ഭ​വ​ത്തി​ല്‍ സ​ര്‍വ​ക​ലാ​ശാ​ല പ​രാ​തി ന​ല്‍കി ര​ണ്ടാ​ഴ്ച ക​ഴി​ഞ്ഞി​ട്ടും പൊ​ലീ​സ്​ പ്രാ​ഥ​മി​ക അ​ന്വേ​ഷ​ണം മാ​ത്ര​മാ​ണ്​ ന​ട​ത്തി​യ​തെ​ന്നും എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്തി​ട്ടി​ല്ലെ​ന്നും ‘മാ​ധ്യ​മം’ റി​പ്പോ​ർ​ട്ട്​ ചെ​യ്തി​രു​ന്നു. 54 ബി​രു​ദ സ​ർ​ട്ടി​ഫി​ക്ക​റ്റു​ക​ളു​ടെ ഫോ​ർ​മാ​റ്റു​ക​ളാ​ണ്​ എം.​ജി​യി​ൽ​നി​ന്ന്​ കാ​ണാ​താ​യ​ത്.

തു​ട​ർ​ന്ന്​ സെ​ക്ഷ​ന്‍റെ ചു​മ​ത​ല​യു​ണ്ടാ​യി​രു​ന്ന ഓ​ഫി​സ​റെ​യും മു​ന്‍ സെ​ക്ഷ​ന്‍ ഓ​ഫി​സ​റെ​യും സ​സ്പെ​ൻ​ഡ്​​ ചെ​യ്തി​രു​ന്നു. അ​ച്ച​ട​ക്ക ന​ട​പ​ടി നേ​രി​ട്ട ഉ​ദ്യോ​ഗ​സ്ഥ​ര​ട​ക്കം പ​ത്തി​ലേ​റെ പേ​രു​ടെ മൊ​ഴി ​പൊ​ലീ​സ് രേ​ഖ​പ്പെ​ടു​ത്തി​യി​രു​ന്നു. ഇ​ത്​ ദു​രു​പ​യോ​ഗം ചെ​യ്യാ​ൻ സാ​ധി​ക്കി​ല്ലെ​ന്ന്​ അ​ധി​കൃ​ത​ർ വി​വ​രി​ക്കു​മ്പോ​ഴും അ​ത്​ എ​ങ്ങ​നെ ന​ഷ്ട​പ്പെ​ട്ടെ​ന്ന കാ​ര്യ​ത്തി​ൽ വ്യ​ക്ത​ത​യി​ല്ല.

താ​ൽ​ക്കാ​ലി​ക ജീ​വ​ന​ക്കാ​ർ ഉ​ൾ​പ്പെ​ടെ ഈ ​വി​ഭാ​ഗ​ത്തി​ൽ ജോ​ലി ചെ​യ്തി​രു​ന്ന​താ​യും ആ​ക്ഷേ​പ​മു​ണ്ട്. സം​ഭ​വം പു​റ​ത്തു​വ​ന്ന​പ്പോ​ഴു​ണ്ടാ​യ രാ​ഷ്ട്രീ​യ പ്ര​തി​ഷേ​ധ​ങ്ങ​ളും ഇ​പ്പോ​ൾ കെ​ട്ട​ട​ങ്ങി​യി​ട്ടു​ണ്ട്.