തിരുവനന്തപുരം: 2027ലെ സെൻസസിന്റെ ഒന്നാം ഘട്ടത്തോടനുബന്ധിച്ച് പൊതുജനങ്ങൾക്ക് തങ്ങളുടെ വിവരങ്ങൾ എന്യൂമറേറ്റർ വരുന്നത് കാത്തുനിൽക്കാതെ തന്നെ ഓൺലൈനായി രേഖപ്പെടുത്താനുള്ള ‘സെൽഫ് എന്യൂമറേഷൻ’ സൗകര്യം ഇന്നവസാനിക്കും.
നിങ്ങളുടെ വീടിന്റെയും കുടുംബാംഗങ്ങളുടെയും വിവരങ്ങൾ സെൻസസ് പോർട്ടലിൽ (se.census.gov.in) ഓൺലൈനായി പൂരിപ്പിച്ചു നൽകുന്ന ലളിതമായ നടപടിക്രമമാണിത്. സെൻസസ് ഉദ്യോഗസ്ഥർ നിങ്ങളുടെ വീട്ടിൽ എത്തുന്നതുവരെ കാത്തുനിൽക്കാതെ തന്നെ ഈ പോർട്ടൽ വഴി വിവരങ്ങൾ നൽകാൻ സാധിക്കും. ഈ സൗകര്യം ഇന്ത്യയുടെ അതിർത്തിക്കുള്ളിൽ മാത്രമേ ലഭ്യമാകൂ.
കൃത്യമായ വിവരശേഖരണത്തിനായി വീടിന്റെ ലൊക്കേഷൻ മാപ്പിൽ അടയാളപ്പെടുത്തേണ്ടതുണ്ട്. ഇതിനായി ജില്ലയും പിൻകോഡും രേഖപ്പെടുത്തുക. ഏരിയ അല്ലെങ്കിൽ അടുത്തുള്ള പ്രധാന ലാൻഡ്മാർക്കുകൾ നൽകുക.
മാപ്പ് സൂം ചെയ്ത് നിങ്ങളുടെ വീടിരിക്കുന്ന കൃത്യമായ സ്ഥലം അടയാളപ്പെടുത്തുക (കൃത്യമായ അഡ്രസ് കാണിക്കുന്നില്ലെങ്കിലും ശരിയായ ലൊക്കേഷൻ അടയാളപ്പെടുത്തണം).
സെൽഫ് എന്യൂമറേഷൻ കാലാവധിയിൽ ഫൈനൽ സബ്മിഷന് മുൻപായി വിവരങ്ങൾ എഡിറ്റ് ചെയ്യാം. സബ്മിറ്റ് ചെയ്ത ശേഷം എന്തെങ്കിലും തിരുത്തലുകൾ ആവശ്യമാണെങ്കിൽ എന്യൂമറേറ്റർ നിങ്ങളുടെ വീട് സന്ദർശിക്കുന്ന വേളയിൽ അവ തിരുത്താൻ സാധിക്കും. കൂടുതൽ വിവരങ്ങൾക്കും സംശയങ്ങൾക്കുമായി 1855 എന്ന ടോൾ ഫ്രീ നമ്പറിൽ ബന്ധപ്പെടാവുന്നതാണ്.
വെബ്സൈറ്റ് അഡ്രസ്: https://se.census.gov.in/
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.