സൈനബയെ കൊലപ്പെടുത്താൻ ഉപയോഗിച്ച കാർ കണ്ടെത്തി

കോഴിക്കോട്: കുറ്റിക്കാട്ടൂർ സ്വദേശിനിയെ കൊലപ്പെടുത്താൻ ഉപയോഗിച്ച കാർ കണ്ടെത്തി. കസ്റ്റഡിയിലുള്ള മുഖ്യപ്രതി താ​നൂ​ർ കു​ന്നും​പു​റം സമദ് നൽകിയ വിവരമനുസരിച്ച് താനൂരിലെ വർക്ക് ഷോപ്പിൽനിന്നാണ് വണ്ടി കണ്ടെത്തിയത്. മറ്റൊരു പ്രതി ഗൂ​ഡ​ല്ലൂ​ർ ഓവാലി പഞ്ചായത്ത് ബാർവുഡ് സ്വദേശി സൈനുൽ ആബിദ് എന്ന സുലൈമാൻ (40) കഴിഞ്ഞ ദിവസം തമിഴ്നാട്ടിലെ സേലത്ത് നിന്ന് പിടിയിലായിരുന്നു.

സൈ​ന​ബ​യെ കാ​ണാ​നി​ല്ലെ​ന്ന് ഭ​ർ​ത്താ​വ് ജെ​യിം​സ് എ​ന്ന മു​ഹ​മ്മ​ദ​ലിയുടെ പരാതിയിലാണ് പൊലീസ് അന്വേഷണം ആരംഭിച്ചത്. സൈ​ന​ബ​യു​ടെ ഫോ​ണി​ലേ​ക്ക് അ​വ​സാ​ന​മാ​യി വി​ളി​ച്ച സ​മ​ദ് അ​റ​സ്റ്റി​ലാ​യ​തോ​ടെ​യാ​ണ് കേ​സി​ന്റെ ചു​രു​ള​ഴി​ഞ്ഞ​ത്. സ​മ​ദും സു​ലൈ​മാ​നും ചേ​ർ​ന്ന് സൈ​ന​ബ​യെ ഷാ​ളു​പ​യോ​ഗി​ച്ചാണ് കൊന്നത്. ​ശേ​ഷം മൃ​ത​ദേ​ഹം മ​ല​പ്പു​റം നാ​ടു​കാ​ണി ചു​ര​ത്തി​ലെ കൊ​ക്ക​യി​ൽ ത​ള്ളുകയായിരുന്നു.

സൈ​ന​ബ​യും സ​മ​ദും നേ​ര​ത്തേ പ​രി​ച​യ​മു​ള്ള​വ​രാ​ണ്. ന​വം​ബ​ർ ആ​റി​ന് സു​ലൈ​മാ​നെ സ​മ​ദ് തി​രൂ​രി​ലേ​ക്ക് വി​ളി​ച്ചു​വ​രു​ത്തി ലോ​ഡ്ജി​ൽ മു​റി​യെ​ടു​ത്ത് താ​മ​സി​പ്പി​ച്ചാ​ണ്​ പ​ദ്ധ​തി ആ​സൂ​ത്ര​ണം ചെ​യ്ത​ത്. ഏ​ഴി​ന് രാ​വി​ലെ ഇ​രു​വ​രും സ​മ​ദി​ന്റെ പ​രി​ച​യ​ക്കാ​ര​ന്റെ കാ​ർ വാ​ട​ക​ക്കെ​ടു​ത്ത് കോ​ഴി​ക്കോ​ട്ടെ​ത്തി. ഉ​ച്ച​ക്ക് ഒ​ന്ന​ര​യോ​ടെ കോ​ഴി​ക്കോ​ട് മൊ​ഫ്യൂ​സി​ൽ ബ​സ് സ്റ്റാ​ൻ​ഡി​ന​ടു​ത്തു​നി​ന്ന് സൈ​ന​ബ​യെ കാ​റി​ൽ ക​യ​റ്റി കൊ​ണ്ടു​പോ​കുകയായിരുന്നു. ഈ ​സ​മ​യം സൈ​ന​ബ 15 പ​വ​ന്റെ സ്വ​ർ​ണാ​ഭ​ര​ണ​ങ്ങ​ൾ ധ​രി​ക്കു​ക​യും കൈ​യി​ലു​ള്ള ബാ​ഗി​ൽ മൂ​ന്നു ല​ക്ഷ​ത്തോ​ളം രൂ​പ സൂ​ക്ഷി​ക്കു​ക​യും ചെ​യ്തി​രു​ന്നു.

വൈകുന്നേരം അ​ഞ്ച​ര​യോ​ടെ കാർ മു​ക്ക​ത്തി​ന​ടു​ത്തെ​ത്തി​യ​പ്പോ​ൾ സൈ​ന​ബ ധ​രി​ച്ച ഷാ​ൾ സ​മ​ദ് അ​വ​രു​​ടെ ക​ഴു​ത്തി​ൽ മു​റു​ക്കി. ഷാ​ളി​ന്റെ ഒ​രു​ത​ല കാ​റോ​ടി​ച്ചി​രു​ന്ന സു​ലൈ​മാ​ൻ വ​ലി​ച്ചു​പി​ടി​ക്കു​ക​യും ചെ​യ്തു. മി​നി​റ്റു​ക​ൾ​ക്ക​കം സൈ​ന​ബ ശ്വാ​സം​മു​ട്ടി മ​രി​ച്ചു. ഇ​തോ​ടെ കാ​ർ വ​ഴി​ക്ക​ട​വ് ഭാ​ഗ​ത്തേ​ക്ക് തി​രി​ച്ചു​വി​ട്ടു. യാ​ത്ര​ക്കി​ടെ സൈ​ന​ബ​യു​ടെ മൊ​ബൈ​ൽ ഫോ​ൺ സ്വി​ച്ച്ഓ​ഫാ​ക്കു​ക​യും ശ​രീ​ര​ത്തി​ലെ ആ​ഭ​ര​ണ​വും ബാ​ഗി​ലെ പ​ണ​വും കൈ​ക്ക​ലാ​ക്കു​ക​യും ചെ​യ്തു.

രാ​ത്രി എ​ട്ടോ​ടെ കാ​ർ നാ​ടു​കാ​ണി ചു​ര​ത്തി​ലെ​ത്തി​ക്കു​ക​യും ഇ​രു​വ​രും ചേ​ർ​ന്ന് സൈ​ന​ബ​യു​ടെ മൃ​ത​ദേ​ഹം താ​ഴ്ച​യി​ലേ​ക്ക് എ​ടു​ത്തെ​റി​യു​ക​യു​മാ​യി​രു​ന്നു. തു​ട​ർ​ന്ന് സം​ഘം സു​ലൈ​മാ​ന്റെ ഗൂ​ഡ​ല്ലൂ​രി​ലെ താ​മ​സ​സ്ഥ​ല​ത്തെ​ത്തി. വ​സ്ത്ര​ത്തി​ലെ ര​ക്തം ക​ഴു​കി വൃ​ത്തി​യാ​ക്കു​ക​യും പു​തി​യ വ​സ്ത്രം വാ​ങ്ങി ധ​രി​ച്ച് അ​വി​ടെ താ​മ​സി​ച്ചു. അ​ടു​ത്ത ദി​വ​സം സൈ​ന​ബ​യു​ടെ പ​ണം ഇ​രു​വ​രും വീ​തം​​വെ​ക്കു​ക​യും ആ​ഭ​ര​ണം മു​ഴു​വ​ൻ സ​മ​ദ് സൂ​ക്ഷി​ക്കു​ക​യും ചെ​യ്തു. തെ​ളി​വ് ന​ശി​പ്പി​ക്കാ​നാ​യി സൈ​ന​ബ​യു​ടെ മൊ​ബൈ​ൽ ഫോ​ണും ബാ​ഗും ര​ക്തം​പു​ര​ണ്ട സ​മ​ദി​ന്റെ വ​സ്ത്ര​വും ക​ത്തി​ക്കാ​ൻ സു​ലൈ​മാ​ൻ പു​റ​ത്തു​പോ​യി. പി​ന്നീ​ട് സു​ലൈ​മാ​നും കൂ​ട്ടാ​ളി​ക​ളും തി​രി​ച്ചു​വ​ന്ന് പ​ണ​വും സ്വ​ർ​ണാ​ഭ​ര​ണ​വും കൈ​ക്ക​ലാ​ക്കി ക​ട​ന്നു​ക​ള​ഞ്ഞെ​ന്നാ​ണ് അ​റ​സ്റ്റി​ലാ​യ സ​മ​ദ് മൊ​ഴി നൽകിയത്.