കോഴിക്കോട്: പൗരത്വ ഭേദഗതി നിയമത്തിനെതിരെ കോഴിക്കോട് കടപ്പുറത്ത് യൂത്ത് ലീഗ് നടത്തുന്ന ശാഹീൻ ബാഗ് മോഡൽ സമരത്തിനെതിരെ ‘തീവ്രവാദി’ പരാമർശവുമായി ബി.ജെ.പി സംസ്ഥാന അധ്യക്ഷൻ കെ. സുരേന്ദ്രൻ.
കോഴിക്കോട് കടപ്പുറത്ത് ശാഹീൻബാഗ് സമരം നടത്തുന്നവർ തീവ്രവാദികളാണെന്ന് സുരേന്ദ്രൻ ആരോപിച്ചു. കടപ്പുറത്ത് പന്തൽ കെട്ടാനോ സമരം െചയ്യാനോ കോർപറേഷെൻറ അനുമതിയില്ലെന്നും അവിടെ നടക്കുന്നതെന്താണെന്ന് പൊലീസോ കോർപറേഷനോ അന്വേഷിക്കണമെന്നും സുരേന്ദ്രൻ കോഴിക്കോട്ട് പറഞ്ഞു.
ശാഹീൻബാഗ് സ്ക്വയർ എന്നൊക്കെ പറഞ്ഞ് കടപ്പുറത്ത് വിഷലിപ്തമായ മുദ്രാവാക്യം വിളികളാണ്. താൻ അന്വേഷിച്ചപ്പോൾ അതിന് അനുമതി ഇല്ലെന്നാണ് അറിഞ്ഞത്. കടപ്പുറത്ത് സ്തൂപങ്ങൾ കെട്ടിയും സ്മാരകങ്ങൾ കെട്ടിയും അനുമതിയൊന്നുമില്ലാതെ തീവ്രവാദികൾ അഴിഞ്ഞാടുകയാണ്.
നാടിനെ വിഘടിപ്പിക്കാനും നാട്ടിൽ വർഗീയതയും തീവ്രവാദവും വളർത്താനും ഹിന്ദുക്കളെയും മുസ്ലിംകളെയും തമ്മിലടിപ്പിക്കാനുമായി ഗുരുതരമായ ക്രിമിനൽ കുറ്റം ചെയ്യുന്ന രാജ്യദ്രോഹികളെ എന്താണ് മുഖ്യമന്ത്രി നിലക്ക് നിർത്താത്തതെന്നും സുരേന്ദ്രൻ ചോദിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.