ആടി ഉലഞ്ഞ് കൊച്ചിയിലെ ബോട്ട് യാത്രകൾ; ദുരന്തം അരികെ

കൊ​ച്ചി: താ​നൂ​രി​ൽ 22 പേ​രു​ടെ മ​ര​ണ​ത്തി​നി​ട​യാ​ക്കി​യ ബോ​ട്ട്​ ദു​ര​ന്ത​ത്തി​ന്‍റെ ഞെ​ട്ട​ലി​ലാ​ണ്​ നാ​ട്. ദു​ര​ന്ത​മു​ണ്ടാ​കു​മ്പോ​ൾ കു​റ​ച്ചു​ദി​വ​സ​ത്തേ​ക്ക്​ മാ​ത്രം ഉ​ണ​ർ​ന്നു​പ്ര​വ​ർ​ത്തി​ക്കു​ന്ന സം​വി​ധാ​ന​ങ്ങ​ളാ​ണ്​ ന​മു​ക്കു​ള്ള​ത്. സം​ഭ​വ​ങ്ങ​ളു​ടെ ചൂ​ടാ​റി​യാ​ൽ അ​ടു​ത്ത ദു​ര​ന്തം വ​രെ എ​ല്ലാം പ​ഴ​യ​പ​ടി​യാ​കും. ആ​ടി​യും പാ​ടി​യും ഉ​ല്ല​സി​ച്ച്​ ന​ട​ത്തു​ന്ന ജ​ല​യാ​ത്ര​ക​ളാ​ണ്​ സു​ര​ക്ഷ സം​വി​ധാ​ന​ങ്ങ​ളു​ടെ​യും മു​ൻക​രു​ത​ലു​ക​ളു​ടെ​യും അ​ഭാ​വ​ത്തി​ൽ ​ ക​ണ്ണീ​ർ​ക​യ​ത്തി​ൽ മു​ങ്ങി​ത്താ​ഴു​ന്ന​ത്​. ജ​ല​യാ​ന​ങ്ങ​ളു​ടെ നാ​ടാ​യ കൊ​ച്ചി​യി​ലെ ഓ​ള​പ്പ​ര​പ്പു​ക​ളി​ലും ആ​ശ​ങ്ക​പ്പെ​ടു​ത്തു​ന്ന യാ​ത്ര​ക​ളാ​ണ്​ ന​ട​ക്കു​ന്ന​ത്.

മ​റൈ​ൻ ഡ്രൈ​വി​ൽ​നി​ന്ന്​ പ്ര​തി​ദി​നം സ​ർ​വി​സ്​ ന​ട​ത്തു​ന്ന​ത്​ 56 റി​സ്റ്റ്​ ബോ​ട്ടു​ക​ളാ​ണ്. അ​ന​ധി​കൃ​ത സ​ർ​വി​സ്​ ന​ട​ത്തു​ന്ന​വ വേ​റെ. ഏ​തു​സ​മ​യ​ത്തും കൊ​ച്ചി കാ​യ​ലും ക​ട​ലും ദു​ര​ന്ത​ത്തി​ന്​ സാ​ക്ഷ്യം വ​ഹി​ക്കേ​ണ്ടി​വ​രു​ന്ന വി​ധ​ത്തി​ലാ​ണ്​ ഇ​വ​യു​ടെ സ​ർ​വി​സ്​. ഇ​വി​ടെ എ​ത്ര ഹൗ​സ്​ ബോ​ട്ടു​ക​ളു​ണ്ട്​ എ​ന്ന​തി​ന്​ അ​ധി​കൃ​ത​രു​ടെ പ​ക്ക​ൽ ​ ക​ണ​ക്കി​ല്ല. ഈ ​രം​ഗ​ത്ത്​ പ്ര​വ​ർ​ത്തി​ക്കു​ന്ന യാ​ന​ങ്ങ​ളു​ടെ ഉ​ട​മ​ക​ൾ​ക്ക്​ സം​ഘ​ട​ന​യു​ണ്ട്.

അ​വ​രു​ടെ പ​ക്ക​ൽ ഏ​ക​ദേ​ശ ക​ണ​ക്കു​ണ്ട്. സം​ഘ​ട​ന​യി​ൽ അം​ഗ​മ​ല്ലാ​ത്ത​വ​രും നി​ര​വ​ധി​യു​ണ്ടെ​ന്ന്​ അ​വ​ർ പ​റ​യു​ന്നു. പ്ര​തി​ദി​നം നൂ​റു​ക​ണ​ക്കി​നാ​ളു​ക​ളാ​ണ്​ മ​റൈ​ൻ ഡ്രൈ​വി​ൽ​നി​ന്ന്​ ബോ​ട്ട്​ സ​വാ​രി ന​ട​ത്തു​ന്ന​ത്. ഫോ​ർ​ട്ട്​ കൊ​ച്ചി, വൈ​പ്പി​ൻ എ​ന്നി​വി​ട​ങ്ങ​ളി​ലെ കാ​യ​ൽ​യാ​ത്ര​ക്ക്​ പു​റ​മെ ക​ട​ൽ സ​വാ​രി​യും വാ​ഗ്ദാ​നം ചെ​യ്യു​ന്ന സ​ർ​വി​സു​ക​ളു​ണ്ട്. ഹൗ​സ് ബോ​ട്ട്, പാ​ർ​ട്ടി ബോ​ട്ട്, ശി​ക്കാ​ര തു​ട​ങ്ങി പ​ല​വി​ധ​ത്തി​ലാ​ണ്​ സ​വാ​രി ഒ​രു​ക്കു​ന്ന​ത്. മ​ദ്യ​വും മ​റ്റ്​ ല​ഹ​രി​വ​സ്തു​ക്ക​ളും വി​ത​ര​ണം ചെ​യ്യു​ന്നു​വെ​ന്ന ആ​രോ​പ​ണ​വും വ്യാ​പ​ക​മാ​ണ്.

ന​ഗ​ര​മ​ധ്യ​ത്തി​ൽ​​നി​ന്ന്​ യാ​ത്ര തി​രി​ക്കാ​മെ​ന്ന​തും മ​നോ​ഹാ​രി​ത​യു​മാ​ണ്​ സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന​ത്. അ​ന്ത​ർ​സം​സ്ഥാ​ന സ​ഞ്ചാ​രി​ക​ളും വി​ദേ​ശി​ക​ളും​വ​രെ യാ​ത്ര​ക്ക്​ എ​ത്തു​ന്നു​ണ്ട്. ഒ​രു ബോ​ട്ടി​ലും സു​ര​ക്ഷ​ക്ക്​ സ്വീ​ക​രി​ക്കേ​ണ്ട മു​ൻ​ക​രു​ത​ലു​ക​ൾ സം​ബ​ന്ധി​ച്ച്​ മു​ന്ന​റി​യി​പ്പ്​ ന​ൽ​കു​ന്ന സം​വി​ധാ​ന​മി​ല്ല. ഇ​ത്ര​യേ​റെ ബോ​ട്ടു​ക​ളു​ണ്ടാ​യി​ട്ടും അ​വ​യി​ലെ ഡ്രൈ​വ​ർ​മാ​ർ​ക്ക് പ​രി​ശീ​ല​നം ന​ൽ​കു​ന്ന​തി​ന്​ അ​ധി​കൃ​ത​ർ സം​വി​ധാ​നം ഒ​രു​ക്കി​യി​ട്ടി​ല്ല. നൂ​റി​ല​ധി​കം ആ​ളു​ക​ളു​മാ​യി ഒ​ഴു​കു​ന്ന പാ​ർ​ട്ടി ബോ​ട്ടു​ക​ൾ ഇ​വി​ടെ​യു​ണ്ട്.

അ​പ​ക​ടം ഉ​ണ്ടാ​യാ​ൽ എ​ത്ര​പേ​ർ ബാ​ക്കി ഉ​ണ്ടാ​കു​മെ​ന്ന്​ ആ​രും ചി​ന്തി​ക്കു​ന്നി​ല്ല. ബോ​ട്ടി​ലെ ഭ​ക്ഷ​ണ​വും പ്ര​ധാ​ന ആ​ക​ർ​ഷ​ണ​മാ​ണ്. ബോ​ട്ടു​ക​ളി​ൽ ത​ന്നെ​യാ​ണ് ഭ​ക്ഷ​ണം ഉ​ണ്ടാ​ക്കു​ന്ന​ത്. ബോ​ട്ടാ​കെ എ​ളു​പ്പ​ത്തി​ൽ ക​ത്തി​ത്തീ​രാ​വു​ന്ന വ​സ്തു​ക്ക​ൾ ആ​ണ്. അ​പ​ക​ടം ഉ​ണ്ടാ​കാ​ൻ വ​ള​രെ ചെ​റി​യ അ​ശ്ര​ദ്ധ മ​തി. ബോ​ട്ടു ദു​ര​ന്ത​ങ്ങ​ൾ ആ​വ​ർ​ത്തി​ക്കു​മ്പോ​ഴും സു​ര​ക്ഷ ഉ​റ​പ്പാ​ക്കാ​ൻ അ​ധി​കൃ​ത​ർ​ക്കാ​വു​ന്നി​ല്ല. ബോ​ട്ടു​ക​ളു​ടെ ഫി​റ്റ്​​ന​സ്​ പ​രി​ശോ​ധ​ന​പോ​ലും കാ​ര്യ​ക്ഷ​മ​മ​ല്ല.

നി​യ​മ​ലം​ഘ​ന​ങ്ങ​ൾ മാ​രി​ടൈം ബോ​ർ​ഡി​ന്‍റെ ക​ൺ​മു​ന്നി​ൽ

സ​ഞ്ചാ​രി​ക​ളു​ടെ സു​ര​ക്ഷ ഉ​റ​പ്പാ​ക്കാ​തെ കൊ​ച്ചി കാ​യ​ലി​ൽ യാ​ന​ങ്ങ​ൾ ഒ​ഴു​കി​ന​ട​ക്കു​ന്ന​ത്​ സം​സ്ഥാ​ന മാ​രി​ടൈം ബോ​ർ​ഡ്​ അ​ധി​കൃ​ത​രു​ടെ ക​ൺ​മു​ന്നി​ലാ​ണ്. ബോ​ട്ടു​ക​ൾ​ക്ക്​ ഫി​റ്റ്​​ന​സ്​ സ​ർ​ട്ടി​ഫി​ക്ക​റ്റ്​ ന​ൽ​കു​ന്ന​ത്​ മാ​രി​ടൈം ബോ​ർ​ഡാ​ണ്. ബോ​ട്ടു​ക​ളു​ടെ വി​സ്തൃ​തി​യും ബ​ല​വും ക​ണ​ക്കാ​ക്കി​യാ​ണ്​ ക​യ​റ്റാ​വു​ന്ന​വ​രു​ടെ എ​ണ്ണം നി​ശ്ച​യി​ച്ച്​ ന​ൽ​കു​ന്ന​ത്. ബോ​ട്ടു​ക​ൾ​ക്ക്​ ഫി​റ്റ്​​ന​സ്​ സ​ർ​ട്ടി​ഫി​ക്ക​റ്റ്​ ന​ൽ​കാ​ൻ ആ​വ​ശ്യ​ത്തി​ന്​ ഉ​ദ്യോ​ഗ​സ്ഥ​ർ മാ​രി​ടൈം ബോ​ർ​ഡി​ലി​ല്ല.

അ​നു​വ​ദി​ച്ചി​ട്ടു​ള്ള​തി​ൽ കൂ​ടു​ത​ൽ ആ​ളെ ക​യ​റ്റു​ന്ന​ത്​ ത​ട​യാ​ൻ പ​രി​ശോ​ധ​ന​ക​ളൊ​ന്നും ഇ​വി​ടെ ന​ട​ക്കു​ന്നി​ല്ല. അ​ത്ത​രം കാ​ര്യ​ങ്ങ​ൾ നോ​ക്കേ​ണ്ട​ത്​ പൊ​ലീ​സാ​ണ്​ എ​ന്നാ​ണ്​ മാ​രി​ടൈം ബോ​ർ​ഡ്​ അ​ധി​കൃ​ത​ർ പ​റ​യു​ന്ന​ത്. പ​രാ​തി​ക​ളും അ​പ​ക​ട​ങ്ങ​ളും ഉ​ണ്ടാ​കു​മ്പോ​ൾ മാ​ത്ര​മാ​ണ്​ പൊ​ലീ​സ്​ നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തു​ന്ന​ത്. പൊ​ലീ​സ്​ എ​ത്താ​താ​കു​ന്ന​തോ​ടെ നി​യ​ന്ത്ര​ണ​ങ്ങ​ൾ നീ​ങ്ങു​ക​യും ചെ​യ്യും.

വ​ല​വി​രി​ച്ച്​ ഏ​ജ​ന്‍റു​മാ​ർ

മ​റൈ​ൻ ഡ്രൈ​വി​ലാ​കെ ബോ​ട്ട്​ സ​വാ​രി​ക്ക്​ ആ​ളെ ക്ഷ​ണി​ക്കു​ന്ന ഏ​ജ​ന്‍റു​മാ​രു​ടെ നി​ര​യാ​ണ്. പ​ല​വി​ധ വാ​ഗ്ദാ​ന​ങ്ങ​ൾ നി​ര​ത്തി ബോ​ർ​ഡു​ക​ളും സ്ഥാ​പി​ച്ചി​ട്ടു​ണ്ട്. മ്യൂ​സി​ക്ക​ൽ ബോ​ട്ട്​ സ​വാ​രി​വ​രെ വാ​ഗ്ദാ​നം ചെ​യ്യു​ന്നു. ടി​ക്ക​റ്റ്​​ നി​ര​ക്ക്​ ആ​ളും ത​ര​വും നോ​ക്കി​യാ​ണ്​. വി​ല​പേ​ശി​യാ​ൽ റേ​റ്റ്​ കു​റ​യും. അ​റി​യാ​ത്ത​വ​രെ വ​ല​യി​ലാ​ക്കി പേ​രി​ന്​ ഒ​രു സ​വാ​രി ന​ട​ത്തി തി​രി​കെ ഇ​റ​ക്കി പ​ണം ഈ​ടാ​ക്കി വ​ഞ്ചി​ക്കു​ന്ന പ​രി​പാ​ടി​ക​ളും അ​ര​ങ്ങേ​റു​ന്നു. ബോ​ട്ടു​ക​ൾ ഒ​ന്നി​ൽ​പോ​ലും ക​യ​റ്റാ​വു​ന്ന ആ​ളു​ക​ളു​ടെ എ​ണ്ണം പ്ര​ദ​ർ​ശി​പ്പി​ച്ചി​ട്ടി​ല്ല. അ​തി​നാ​ൽ സ​വാ​രി​ക്ക്​ എ​ത്തു​ന്ന​വ​ർ ഏ​ജ​ന്‍റു​മാ​രു​ടെ പ്രേ​ര​ണ​ക്ക്​ വി​ധേ​യ​മാ​യി കൂ​ട്ട​ത്തോ​ടെ ബോ​ട്ടു​ക​ളി​ൽ ക​യ​റി​ക്കൂ​ടു​ന്നു.

വി​ശേ​ഷ ദി​വ​സ​ങ്ങ​ളി​ൽ ചാ​ക​ര

വി​ശേ​ഷ ദി​വ​സ​ങ്ങ​ൾ ബോ​ട്ട്​ ഉ​ട​മ​ക​ളു​ടെ ചാ​ക​ര​ക്കാ​ല​മാ​ണ്. പു​തു​വ​ത്സ​രം, അ​വ​ധി​ക്കാ​ലം, ഓ​ണം, പെ​രു​ന്നാ​ൾ തു​ട​ങ്ങി​യ​വ​യെ​ല്ലാം പ​ര​മാ​വ​ധി മു​ത​ലാ​ക്കു​ക​യാ​ണ്​ ബോ​ട്ടു​ട​മ​ക​ൾ. പു​തു​വ​ത്സ​രാ​ഘോ​ഷ വേ​ള​യി​ൽ ഫോ​ർ​ട്ട്​ കൊ​ച്ചി​യി​ൽ​നി​ന്ന്​ സ​ർ​വി​സ്​ ന​ട​ത്തു​ന്ന ജ​ല​ഗ​താ​ഗ​ത വ​കു​പ്പി​ന്‍റെ യാ​ത്രാ​ബോ​ട്ടു​ക​ളി​ൽ​പോ​ലും പ​രി​ധി​യു​ടെ ഇ​ര​ട്ടി​യോ​ളം പേ​രെ​യാ​ണ്​ ക​യ​റ്റി​യ​ത്. സ്വ​കാ​ര്യ ബോ​ട്ടു​ക​ളി​ലും അ​തു​ത​ന്നെ​യാ​യി​രു​ന്നു സ്ഥി​തി. അ​പ​ക​ട സാ​ധ്യ​ത മു​ന്നി​ൽ​ക്ക​ണ്ട്​ സു​ര​ക്ഷ ശ​ക്ത​മാ​ക്കാ​ൻ പൊ​ലീ​സി​നും ക​ഴി​ഞ്ഞി​ല്ല. ഭാ​ഗ്യ​ത്തി​നാ​ണ്​ അ​ന്ന്​ ദു​ര​ന്ത​മു​ണ്ടാ​കാ​തി​രു​ന്ന​ത്​ എ​ന്ന്​ പ​റ​യു​ന്ന​വ​ർ ഏ​റെ​യാ​ണ്.

മരടില്‍ സ്പീഡ് ബോട്ടുകള്‍ പായുന്നു; കണ്ണടച്ച് അധികൃതര്‍

മ​ര​ട്: സു​ര​ക്ഷാ​മാ​ന​ദ​ണ്ഡ​ങ്ങ​ള്‍ പാ​ലി​ക്കാ​തെ​യാ​ണ് മരടിൽ സ്വ​കാ​ര്യ​ഹോ​ട്ട​ലു​ക​ളി​ലെ സ്പീ​ഡ് ബോ​ട്ടു​ക​ള്‍ സ​ര്‍വി​സ് ന​ട​ത്തു​ന്ന​ത്. മ​ര​ട് ന​ഗ​ര​സ​ഭ​യ്ക്കു കീ​ഴി​ലെ മ​ര​ട്, നെ​ട്ടൂ​ര്‍, വ​ള​ന്ത​കാ​ട് പ്ര​ദേ​ശ​ങ്ങ​ളി​ലാ​ണ് നി​യ​മ​ങ്ങ​ള്‍ കാ​റ്റി​ല്‍പ്പ​റ​ത്തി കാ​യ​ലി​ലൂ​ടെ സ്വ​കാ​ര്യ സ്പീ​ഡ്​ ബോ​ട്ടു​ക​ള്‍ ലൈ​ഫ് ജാ​ക്ക​റ്റി​ല്ലാ​തെ കു​ട്ടി​ക​ളെ​യ​ട​ക്കം ക​യ​റ്റി ചീ​റി​പ്പാ​യു​ന്ന​ത്. വ്യ​വ​സാ​യ​മേ​ഖ​ല​യി​ലേ​ക്കു​ള്ള ബാ​ര്‍ജു​ക​ള്‍ സ്ഥി​ര​മാ​യി സ​ഞ്ച​രി​ക്കു​ന്ന ദേ​ശീ​യ​ജ​ല​പാ​ത​യി​ലാ​ണി​ത്.

മു​മ്പ്​ ഇ​ത്ത​ര​ത്തി​ല്‍ സ​ര്‍വി​സ് ന​ട​ത്തി​യ ബോ​ട്ടു​ക​ള്‍ക്ക് ന​ഗ​ര​സ​ഭ പി​ഴ ഈ​ടാ​ക്കി​യി​രു​ന്നു. എ​ന്നാ​ല്‍, വീ​ണ്ടും ന​ഗ​ര​സ​ഭ കാ​ര്യാ​ല​യം സ്ഥി​തി ചെ​യ്യു​ന്ന​തി​നു സ​മീ​പ​ത്തെ കാ​യ​ലി​ലൂ​ടെ​യാ​ണ് വി​നോ​ദ​സ​ഞ്ചാ​രി​ക​ള്‍ക്കാ​യി ബോ​ട്ട് സൗ​ക​ര്യം ഏ​ര്‍പ്പെ​ടു​ത്തി​യി​രി​ക്കു​ന്ന​ത്. മ​ല്‍സ്യ സ​മ്പ​ത്തി​നും ജീ​വ​നും ഭീ​ഷ​ണി​യാ​യി ചീ​റി​പ്പാ​യു​ന്ന സ്പീ​ഡ് ബോ​ട്ടു​ക​ളെ നി​യ​ന്ത്രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

കൊച്ചിയിലും മരടിലും ബോ​ട്ടു​ക​ളി​ല്‍ പ​രി​ശോ​ധ​ന

മ​ട്ടാ​ഞ്ചേ​രി: താ​നൂ​ർ ബോ​ട്ട് അ​പ​ക​ട​ത്തി​ന്‍റെ പ​ശ്ചാ​ത്ത​ല​ത്തി​ൽ കൊ​ച്ചി​യി​ലെ ടൂ​റി​സ്റ്റ് ബോ​ട്ടു​ക​ളി​ൽ കോ​സ്റ്റ​ൽ പൊ​ലീ​സ് പ​രി​ശോ​ധ​ന ന​ട​ത്തി. ഫോ​ർ​ട്ട്കൊ​ച്ചി കോ​സ്റ്റ​ൽ പൊ​ലീ​സ് എ​സ്.​ഐ ഗി​ൽ​ബ​ർ​ട്ട് റാ​ഫേ​ലി​ന്‍റെ നേ​തൃ​ത്വ​ത്തി​ലാ​ണ് പ​രി​ശോ​ധ​ന ന​ട​ത്തി​യ​ത്. ബോ​ട്ടു​ക​ളു​ടെ ഫി​റ്റ്ന​സും സ്രാ​ങ്കി​ന്‍റെ ലൈ​സ​ൻ​സും അ​ധി​കൃ​ത​ർ പ​രി​ശോ​ധി​ച്ചു. യാ​ത്ര​ക്കാ​രു​ടെ സു​ര​ക്ഷി​ത​ത്വം ഉ​റ​പ്പാ​ക്കാ​നു​ള്ള പ​രി​ശോ​ധ​ന​യി​ൽ ലൈ​ഫ് ജാ​ക്ക​റ്റു​ക​ൾ കൃ​ത്യ​മാ​യി ധ​രി​ക്കാ​ൻ നി​ർ​ദേ​ശം ന​ൽ​കി. ധ​രി​ക്കേ​ണ്ട​വി​ധം യാ​ത്ര​ക്കാ​ർ​ക്ക് കാ​ണി​ച്ച് കൊ​ടു​ക്കു​ക​യും ചെ​യ്തു. എ.​എ​സ്.​ഐ രാ​ജേ​ഷ്, സി​വി​ൽ പൊ​ലീ​സ് ഓ​ഫി​സ​ർ സു​മേ​ഷ് എ​ന്നി​വ​രും പ​രി​ശോ​ധ​ന​യി​ൽ പ​ങ്കെ​ടു​ത്തു.

മ​ര​ട്: ന​ഗ​ര​സ​ഭ പ​രി​ധി​യി​ല്‍ പ്ര​വ​ര്‍ത്തി​പ്പി​ക്കു​ന്ന ടൂ​റി​സം ബോ​ട്ടു​ക​ളി​ല്‍ ന​ഗ​ര​സ​ഭ​യി​ലെ സ്‌​പെ​ഷ​ല്‍ സ്‌​ക്വാ​ഡ് വി​ഭാ​ഗ​ം മി​ന്ന​ല്‍ പ​രി​ശോ​ധ​ന നടത്തി. നെ​ട്ടൂ​ര്‍ ഭാ​ഗ​ത്ത് നാ​ലി​ട​ങ്ങ​ളി​ലാ​ണ് പ​രി​ശോ​ധ​ന ന​ട​ത്തി​യ​ത്. ഇ​തി​ല്‍ ആ​വ​ശ്യ​മാ​യ രേ​ഖ​ക​ള്‍ ഇ​ല്ലാ​ത്ത ബോ​ട്ട് ഉ​ട​മ​ക​ള്‍ക്ക് രേ​ഖ​ക​ള്‍ സ​മ​ര്‍പ്പി​ക്കാ​ന്‍ ഒ​രു ദി​വ​സം സ​മ​യം ന​ല്‍കി. സ​ഞ്ചാ​രി​ക​ളു​ടെ സു​ര​ക്ഷ ഉ​റ​പ്പാ​ക്കു​ന്ന​തി​നു​ള്ള ന​ട​പ​ടി​ക​ളി​ലും നി​ർ​ദേ​ശ​ങ്ങ​ളി​ലും അ​ലം​ഭാ​വം കാ​ണി​ക്കു​ന്ന ബോ​ട്ട് ഉ​ട​മ​ക​ള്‍ക്കെ​തി​രെ ശ​ക്ത​മാ​യ ന​ട​പ​ടി​ക​ള്‍ ഉ​ണ്ടാ​കു​മെ​ന്ന് ന​ഗ​ര​സ​ഭ അ​ധി​കൃ​ത​ര്‍ അ​റി​യി​ച്ചു.  

ബോട്ടുകളിൽ കയറാവുന്ന ആളുകളുടെ എണ്ണം പ്രദർശിപ്പിക്കണം -പൊലീസ്​

കൊ​ച്ചി: എ​ല്ലാ ബോ​ട്ടു​ക​ളി​ലും പ​ര​മാ​വ​ധി ക​യ​റാ​വു​ന്ന ആ​ളു​ക​ളു​ടെ എ​ണ്ണം പ്ര​ദ​ർ​ശി​പ്പി​ക്ക​ണ​മെ​ന്ന്​ പൊ​ലീ​സ്​ നി​ർ​ദേ​ശം.തി​ങ്ക​ളാ​ഴ്ച സെ​ൻ​ട്ര​ൽ ​സ്​​റ്റേ​ഷ​നി​ൽ ന​ട​ന്ന ബോ​ട്ടു​ട​മ​ക​ളു​ടെ​യും പൊ​ലീ​സി​ന്‍റെ​യും യോ​ഗ​ത്തി​ലാ​ണ്​ നി​ർ​ദേ​ശം ന​ൽ​കി​യ​ത്.

എ​ല്ലാ ബോ​ട്ടു​ക​ളു​ടെ​യും ഫി​റ്റ്​​ന​സ്​ സ​ർ​ട്ടി​ഫി​ക്ക​റ്റു​ക​ൾ ശേ​ഖ​രി​ച്ച്​ മ​റൈ​ൻ ഡ്രൈ​വി​ന്‍റെ വി​വി​ധ ഭാ​ഗ​ങ്ങ​ളി​ൽ ബോ​ട്ടു​ക​ളു​ടെ പേ​രും അ​വ​യി​ൽ ക​യ​റാ​വു​ന്ന ആ​ളു​ക​ളു​ടെ എ​ണ്ണ​വും പ്ര​ദ​ർ​ശി​പ്പി​ക്കു​ന്ന ബോ​ർ​ഡു​ക​ൾ സ്ഥാ​പി​ക്കും. ബോ​ട്ടു​ക​ളു​ടെ സു​ര​ക്ഷ​ക്ക്​ എ​ന്തെ​ല്ലാം വേ​ണം എ​ന്ന്​ ​ പ​രി​ശോ​ധി​ച്ച്​ സ​ർ​ട്ടി​ഫി​ക്ക​റ്റു​ക​ൾ ന​ൽ​കും.വ​ർ​ഷ​ത്തി​ൽ ഒ​രി​ക്ക​ലാ​ണ്​ പ​രി​ശോ​ധ​ന. സു​ര​ക്ഷ പ​രി​ശോ​ധ​ന സ​ർ​ട്ടി​ഫി​ക്ക​റ്റ്​ ഉ​ള്ള ​ബോ​ട്ടു​ക​ൾ മാ​ത്ര​മെ സ​ർ​വീ​സ്​ ന​ട​ത്തു​ന്നു​ള്ളൂ എ​ന്ന്​ ഉ​റ​പ്പാ​ക്കും.