കൂറ്റനാട്: വീണ് കിട്ടിയ തുക ഉടമക്ക് തിരിച്ച് നൽകി ബിജീഷ്. കഴിഞ്ഞ ദിവസം പെരിങ്ങോട് കേരള ഗ്രാമീൺ ബാങ്കിലേക്ക് എത്തി വാഹനം പാർക്ക് ചെയ്യുന്ന സ്ഥലത്ത് നിന്നാണ് റബർ ബാൻറ് ഇട്ടുള്ള നോട്ടുകൾ തൊഴുക്കാട് സ്വദേശി ബിജീഷിന് കിട്ടിയത്. 17,300 രൂപ ഉണ്ടായിരുന്നു. ചാലിശ്ശേരി ജനമൈത്രി പൊലീസ് സ്റ്റേഷനിൽ തുക ഏൽപ്പിച്ചു.
പെരിങ്ങോട് കാഞ്ഞുള്ളി വീട്ടിൽ ശശീന്ദ്രൻ ബാങ്കിലെ ലോൺ അടക്കാൻ കൊണ്ടുവന്ന തുകയാണ് നഷ്ടപ്പെട്ടത്. പെരിങ്ങോട് വെൽഡിങ് വർക്ക്ഷോപ്പിലെ ജീവനക്കാരനായ ബിജീഷ് വടക്കേപ്പുറത്ത് ബാലകൃഷ്ണൻ - ഷൈലജ ദമ്പതിമാരുടെ മൂത്ത മകനാണ്. ഭാര്യ അശ്വിനി. അമേയ ഏക മകളാണ്. പൊലീസ് സ്റ്റേഷനിൽ എസ്.എച്ച്.ഒ എ. പ്രതാപിെൻറ നേതൃത്വത്തിൽ തുക കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.