ജെ.പി. നദ്ദയുടെ പരിപാടിയിൽ എ.വി. ഗോപിനാഥ്

 പാലക്കാട്: പാലക്കാട്ട് ബി.ജെ.പിയുടെ പരിപാടിയിൽ മുൻ എം.എൽ.എ എ.വി. ഗോപിനാഥും. മുതിർന്ന ബി.ജെ.പി നേതാവും കേന്ദ്രമന്ത്രിയുമായ ജെ.പി. നദ്ദ പ​ങ്കെടുക്കുന്ന പരിപാടിയിലാണ് ഗോപിനാഥ് എത്തിയത്. പൗരപ്രമുഖരുമായി നദ്ദ കൂട്ടിക്കാഴ്ച നടത്തുന്നതായിരുന്നു പരിപാടി.

അതേസമയം, കർഷകരുടെ പ്രശ്നങ്ങൾ ഉന്നയിക്കാനാണ് എത്തിയതെന്ന് ഗോപിനാഥ് പറഞ്ഞു. വികസനത്തിൽ രാഷ്ട്രീയമില്ലെന്നും ഗോപിനാഥ് വ്യക്തമാക്കി. കോൺഗ്രസിൽ നിന്ന് രാജിവെച്ച ഗോപിനാഥ് സി.പി.എമ്മിനോട് അനുഭാവം പ്രകടിപ്പിച്ചിരുന്നു.