കാസർകോട്: പൊയിനാച്ചിയിൽ ഓട്ടോറിക്ഷയുടെ മുകളിൽ ലോറി വീണ് അമ്മയും മകളും മരിച്ചു. ചട്ടംചാൽ മണ്ഡലിപാറ സ്വദേശി രാജെൻറ ഭാര്യ ശോഭ, മകൾ വിസ്മയ എന്നിവരാണ് മരിച്ചത്. രാജനേയും ഓട്ടോ ഡ്രൈവർ ഖാദറിനേയും ഗുരുതരപരിക്കുകളോടെ മംഗാലപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു.
പുലർച്ചെ നാലരയോടെയായിരുന്നു അപകടം. മൂത്ത മകളുടെ കുട്ടിയുടെ ചോറൂണിനായി പുല്ലൂരിലേക്ക് പോകുകയായിരുന്നു രാജനും കുടുംബവും. പൊയിനാച്ചിയിൽ െവച്ച് കാഞ്ഞങ്ങാട് ഭാഗത്തു നിന്നും കാസർകോട്ടേക്ക് വരികയായിരുന്ന ചരക്കു ലോറി നിയന്ത്രണം വിട്ട് ഓട്ടോയിലിടിക്കുകയായിരുന്നു. ഇടിച്ച ശേഷം ഓട്ടോയുടെ മുകളിലേക്കാണ് േലാറി മറിഞ്ഞത്. പൊലീസും അഗ്നിശമന സേനയും നാട്ടുകാരും ചേർന്ന് ലോറി തള്ളിമാറ്റിയാണ് അപകടത്തിൽപ്പെട്ടവരെ പുറത്തെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.