‘ജിസ്മോൾ വേഷംമാറി മാനസികാരോഗ്യ കേന്ദ്രത്തിൽ കടന്ന് തെളിവ് ശേഖരിച്ചു, റിപ്പോർട്ടിൽ ഹൈകോടതി ഇടപെട്ടു’ -സാഹസികയായ അഭിഭാഷക ഈ കടുംകൈ ചെയ്യുമോ എന്ന് സഹപ്രവർത്തകർ

കോട്ടയം: രണ്ട് പിഞ്ചുമക്കളോടൊപ്പം ജീവനൊടുക്കിയ അഡ്വ. ജിസ്മോളുടെ മരണം അവരെ അടുത്തറിയുന്നവർക്ക് ഇനിയും വിശ്വസിക്കാനായിട്ടില്ല. കോ​ട്ട​യം നീ​റി​ക്കാ​ട് തൊ​ണ്ണ​ന്‍മാ​വു​ങ്ക​ല്‍ ജി​മ്മി​യു​ടെ ഭാ​ര്യ അ​ഡ്വ. ജി​സ് മോ​ള്‍ തോ​മ​സ് (32), മ​ക്ക​ളാ​യ നേ​ഹ മ​രി​യ (നാ​ല്), നോ​റ ജി​സ്​ ജി​മ്മി (ഒ​ന്ന്)​ എ​ന്നി​വ​രാ​ണ് ചൊ​വ്വാ​ഴ്ച ഏ​റ്റു​മാ​നൂ​ർ പേ​രൂ​ര്‍ പ​ള്ളി​ക്കു​ന്ന് പ​ള്ളി​ക്ക​ട​വി​ൽ​നി​ന്ന്​ മീ​ന​ച്ചി​ലാ​റ്റി​ൽ ചാ​ടി ജീ​വ​നൊ​ടു​ക്കി​യ​ത്.

ജി​സ്​​മോ​ൾ ഏറ്റെടുത്ത ഒരു കേസിന്റെ ആവശ്യാർഥം അവർ ന​ട​ത്തി​യ സാ​ഹ​സി​ക ഇ​ട​പെ​ട​ലും അ​ന്ന്​ കൂ​ടെ പ്ര​വ​ർ​ത്തി​ച്ച​വ​ർ ഓ​ർ​ക്കു​ന്നു. ഭ​ർ​ത്താ​വ് അ​ന്യാ​യ​മാ​യി മാ​ന​സി​കാ​രോ​ഗ്യ കേ​ന്ദ്ര​ത്തി​ലാ​ക്കി പൂ​ട്ടി​യി​ട്ട യു​വ​തി​യെ കാ​ണാ​ൻ വേ​ഷം​മാ​റി ജി​സ്​​മോ​ൾ അ​വി​ടെ ചെ​ന്ന​താ​യി സ​ഹ​പ്ര​വ​ർ​ത്ത​ക​ർ പ​റ​യു​ന്നു. യു​വ​തി​യു​ടെ ഭ​ർ​ത്താ​വി​നെ കാ​ണാ​നോ ആ​ശു​പ​ത്രി​യി​ൽ പ്ര​വേ​ശി​ക്കാ​നോ സാ​ധി​ക്കാ​ത്ത സാ​ഹ​ച​ര്യ​ത്തി​ലാ​യി​രു​ന്നു ജി​സ്​​മോ​ളു​ടെ സാ​ഹ​സി​ക ഇ​ട​പെ​ട​ൽ.

തു​ട​ർ​ന്ന്​ ഇ​വ​ർ ന​ൽ​കി​യ റി​പ്പോ​ർ​ട്ട്​ അ​നു​സ​രി​ച്ച്​ ജ​സ്റ്റി​സ് വി​നോ​ദ്ച​ന്ദ്ര​ൻ വി​ഷ​യം പ​രി​ശോ​ധി​ക്കാ​ൻ അ​മി​ക്ക​സ് ക്യൂ​റി​യെ നി​യോ​ഗി​ച്ചു. അ​മി​ക്ക​സ് ക്യൂ​റി നേ​രി​ട്ട് ആ​ശു​പ​ത്രി​യി​ൽ എ​ത്തി യു​വ​തി​യെ കാ​ണു​ക​യും ചി​കി​ത്സാ​രേ​ഖ​ക​ൾ ശേ​ഖ​രി​ക്കു​ക​യും ചെ​യ്തു. കൂ​ടാ​തെ മെ​ഡി​ക്ക​ൽ കോ​ള​ജി​ലെ വി​ദ​ഗ്ധ ഡോ​ക്ട​ർ​മാ​ർ​ക്ക് മു​ന്നി​ൽ ഹാ​ജ​രാ​ക്കി പ​രി​ശോ​ധി​പ്പി​ച്ചു. ഇ​തി​ന്‍റെ​യെ​ല്ലാം വി​വ​ര​ങ്ങ​ൾ ഉ​ൾ​ക്കൊ​ള്ളി​ച്ച് ഹൈ​കോ​ട​തി​ക്ക് റി​പ്പോ​ർ​ട്ട് ന​ൽ​കു​ക​യും ചെ​യ്തു.

ഇ​തോ​ടെ പ​രാ​തി​ക്കാ​രി​യോ​ട് ഹാ​ജ​രാ​കാ​ൻ നി​ർ​ദേ​ശി​ച്ച ജ​ഡ്ജി അ​വ​രോ​ട്​ നേ​രി​ട്ട് സം​സാ​രി​ച്ചു. തു​ട​ർ​ന്നാ​ണ് മോ​ച​ന​ത്തി​ന് ഉ​ത്ത​ര​വാ​യ​ത്. ഇ​തി​ലെ​ല്ലാം അ​ഡ്വ. ജി​സ്മോ​ളു​ടെ പ​ങ്ക് നി​ർ​ണാ​യ​ക​മാ​യി​രു​ന്നെ​ന്ന്​ ഹൈ​കോ​ട​തി അ​ഭി​ഭാ​ഷ​ക​ർ ഓ​ർ​ക്കു​ന്നു. അ​ത്ത​ര​ത്തി​ൽ ഇ​ട​പെ​ട​ൽ ന​ട​ത്തി​യ ജി​സ്​​മോ​ളു​ടെ ആ​ത്മ​ഹ​ത്യ ഇ​പ്പോ​ഴും വി​ശ്വ​സി​ക്കാ​നാ​കു​ന്നി​ല്ലെ​ന്നും അ​വ​ർ കൂ​ട്ടി​ച്ചേ​ർ​ത്തു.

‘ആ​ത്മ​ഹ​ത്യ ചെ​യ്ത​തി​ന്‍റെ ത​ലേ​ദി​വ​സം ആ ​വീ​ട്ടി​ൽ എ​ന്താ​ണ്​ ന​ട​ന്ന​തെ​ന്ന്​ പു​റം​ലോ​ക​മ​റി​യ​ണം’

ഭ​ർ​ത്താ​വി​ൽ​നി​ന്നും വീ​ട്ടു​കാ​രി​ൽ​നി​ന്നും മ​ക​ൾ മാ​ന​സി​ക​പീ​ഡ​നം നേ​രി​ട്ടി​രു​ന്നുവെന്നും ആ​ത്മ​ഹ​ത്യ ചെ​യ്ത​തി​ന്‍റെ ത​ലേ​ദി​വ​സം ആ ​വീ​ട്ടി​ൽ എ​ന്താ​ണ്​ ന​ട​ന്ന​തെ​ന്ന്​ പു​റം​ലോ​ക​മ​റി​യ​ണമെന്നും ജിസ്മോളുടെ പി​താ​വ്​ മു​ത്തോ​ലി പ​ടി​ഞ്ഞാ​റ്റി​ൻ​ക​ര പി.​കെ. തോ​മ​സ് പറഞ്ഞു. ഭ​ർ​ത്താ​വ്​ ജി​മ്മി മ​ർ​ദി​ച്ചി​രു​ന്ന​താ​യും ജി​സ്​​മോ​ൾ നേ​രി​ട്ട​ത് ക്രൂ​ര​പീ​ഡ​ന​മാ​യി​രു​ന്നു​വെ​ന്നും അദ്ദേഹം പറഞ്ഞു. മ​ര​ണ​വി​വ​ര​മ​റി​ഞ്ഞ് യു.​കെ​യി​ൽ​നി​ന്ന്​ നാ​ട്ടി​ലെ​ത്തി​യ​ ​തോ​മ​സും ജിസ്മോളുടെ ​സ​ഹോ​ദ​ര​ൻ ജി​റ്റു പി. ​തോ​മ​സും​ മാ​ധ്യ​മ​പ്ര​വ​ർ​ത്ത​ക​രോ​ട്​ സംസാരിക്കുകയായിരുന്നു.

‘‘നീ​തി​ക്കാ​യി ഏ​ത​റ്റം​വ​രെ​യും പോ​കും. യു.​കെ​യി​ൽ​നി​ന്ന് വി​ഷു​ദി​വ​സം മ​ക​ളെ വി​ളി​ച്ചി​രു​ന്നു. ഫോ​ണെ​ടു​ത്തി​ല്ല. നേ​ര​ത്തേ ഒ​രു​ദി​വ​സം മ​ക​ളു​ടെ ത​ല​യി​ൽ ഒ​രു പാ​ട് ഉ​ണ്ടാ​യി​രു​ന്നു. ചോ​ദി​ച്ച​പ്പോ​ൾ വാ​തി​ലി​ൽ ത​ട്ടി​യ​താ​ണെ​ന്ന് പ​റ​ഞ്ഞു. പി​ന്നീ​ടാ​ണ് ഭ​ർ​ത്താ​വ്​ മ​ർ​ദി​ച്ച​താ​ണെ​ന്ന്​ വെ​ളി​പ്പെ​ടു​ത്തി​യ​ത്. പ​പ്പ ഇ​ക്കാ​ര്യം ചോ​ദി​ച്ച് വി​ളി​ച്ചാ​ൽ പി​ന്നെ ത​നി​ക്ക് അ​വി​ടെ നി​ൽ​ക്കാ​ൻ പ​റ്റി​ല്ലെ​ന്നും മ​ക​ൾ പ​റ​ഞ്ഞി​രു​ന്നു’’ -പി​താ​വ്​ ​പ​റ​ഞ്ഞു.

ഒ​രാ​ഴ്ച​മു​മ്പ് ചേ​ച്ചി​യെ വി​ളി​ച്ച​പ്പോ​ഴും പോ​സി​റ്റി​വാ​യാ​ണ് സം​സാ​രി​ച്ച​തെ​ന്ന് സ​ഹോ​ദ​ര​ൻ ജി​റ്റു പ​റ​ഞ്ഞു. ‘‘അ​ന്ന് ഭ​ർ​ത്താ​വി​നെ​യും കു​ട്ടി​ക​ളെ​യും കൂ​ട്ടി വി​മാ​ന​യാ​ത്ര ചെ​യ്യാ​നു​ള്ള ആ​ഗ്ര​ഹ​മെ​ല്ലാം പ​ങ്കു​വെ​ച്ചി​രു​ന്നു. ചേ​ച്ചി ഒ​രി​ക്ക​ലും ആ​ത്മ​ഹ​ത്യ ചെ​യ്യി​ല്ല. എ​നി​ക്ക് എ​ന്തെ​ങ്കി​ലും വി​ഷ​മം വ​ന്നാ​ൽ ആ​ദ്യം വി​ളി​ക്കു​ന്ന​ത് ചേ​ച്ചി​യെ​യാ​ണ്. എ​ന്‍റെ ഭാ​ര്യ ഞാ​യ​റാ​ഴ്ച​യാ​ണ് ചേ​ച്ചി​യെ അ​വ​സാ​നം വി​ളി​ച്ച​ത്. അ​ന്ന് ചേ​ച്ചി​യു​ടെ സു​ഹൃ​ത്തി​ന്‍റെ ക​ല്യാ​ണ​ത്തി​ന് പോ​യി​ട്ട്​ വ​ന്ന്​ ക്ഷീ​ണി​ച്ചി​രി​ക്കു​ക​യാ​ണെ​ന്നാ​ണ് പ​റ​ഞ്ഞ​ത്. ഞാ​യ​റാ​ഴ്ച വൈ​കീ​ട്ട് ആ ​വീ​ട്ടി​ൽ എ​ന്തോ പ്ര​ശ്ന​മു​ണ്ടാ​യി​ട്ടു​ണ്ട്. അ​ത് ക​ണ്ടു​പി​ടി​ക്ക​ണം. സം​ഭ​വ​ത്തി​ൽ ഭ​ർ​ത്താ​വി​ന്‍റെ കു​ടും​ബാം​ഗ​ങ്ങ​ൾ​ക്കും പ​ങ്കു​ണ്ട്. ജി​മ്മി​യു​ടെ മൂ​ത്ത സ​ഹോ​ദ​രി, ഭ​ർ​തൃ​മാ​താ​വ് എ​ന്നി​വ​രി​ൽ​നി​ന്നെ​ല്ലാം മാ​ന​സി​ക​പീ​ഡ​നം നേ​രി​ടേ​ണ്ടി​വ​ന്നു. ജി​മ്മി പ​ല​പ്പോ​ഴും കു​ത്തു​വാ​ക്കു​ക​ൾ പ​റ​ഞ്ഞ് നോ​വി​ച്ചു’’ -സ​ഹോദ​ര​ൻ ആ​രോ​പി​ച്ചു.

ചേ​ച്ചി​ അ​ഭി​ഭാ​ഷ​ക ഓ​ഫി​സ് തു​ട​ങ്ങി​യ​തി​ന് ഭ​ർ​ത്താ​വ് പൈ​സ കൊ​ടു​ത്തി​രു​ന്നു. എ​ന്നാ​ൽ, ഒ​രാ​ഴ്ച ക​ഴി​ഞ്ഞ​പ്പോ​ൾ മു​ത​ൽ അ​യാ​ൾ പൈ​സ തി​രി​കെ ആ​വ​ശ്യ​പ്പെ​ട്ടു​തു​ട​ങ്ങി. ഒ​ടു​വി​ൽ ഒ​രു കേ​സ് ക​ഴി​ഞ്ഞ് ചേ​ച്ചി ആ ​പൈ​സ തി​രി​കെ കൊ​ടു​ത്തു. ചേ​ച്ചി​യെ ത​ങ്ങ​ളു​ടെ ബ​ന്ധു​ക്ക​ളു​ടെ വീ​ടു​ക​ളി​ലെ ച​ട​ങ്ങു​ക​ളി​ലേ​ക്കൊ​ന്നും ഭ​ർ​ത്താ​വ് വി​ട്ടി​രു​ന്നില്ല​ -ജി​റ്റു പ​റ​ഞ്ഞു. വി​ശ​ദ അ​ന്വേ​ഷ​ണം ആ​വ​ശ്യ​പ്പെ​ട്ട്​ ഏ​റ്റു​മാ​നൂ​ർ പൊ​ലീ​സി​ൽ പ​രാ​തി ന​ൽ​കു​മെ​ന്നും ഇ​വ​ർ പ​റ​ഞ്ഞു. ജി​സ്​​മോ​ളു​ടെ​യും മ​ക്ക​ളു​ടെ​യും സം​സ്​​കാ​രം ശ​നി​യാ​ഴ്ച ​പാ​ലാ പ​ള്ളി​ച്ചി​റ ചെ​റു​ക​ര സെ​ന്‍റ്​ മേ​രീ​സ്​ ക്നാ​നാ​യ പ​ള്ളി ​സെ​മി​ത്തേ​രി​യി​ൽ ന​ട​ക്കും.