ക്ഷേത്ര മതിലിൽ മൂത്രമൊഴിച്ചത് ചോദ്യം ചെയ്‌ത കുട്ടിയെ കാ​റി​ടി​ച്ചു കൊന്ന കേ​സി​ല്‍ ഇ​ന്ന് വി​ധി

തി​രു​വ​ന​ന്ത​പു​രം: ക്ഷേ​ത്ര മ​തി​ലി​ല്‍ മൂ​ത്ര​മൊ​ഴി​ച്ച​ത് ചോ​ദ്യം ചെ​യ്ത​തി​ലു​ള്ള പ​ക​യെ തുടർന്ന് കാ​ട്ടാ​ക്ക​ട​യി​ല്‍ പ​ത്താംക്ലാ​സു​കാ​ര​നെ കാ​റി​ടി​പ്പി​ച്ചു കൊ​ല​പ്പെ​ടു​ത്തി​യ കേ​സി​ല്‍ ഇ​ന്ന് വി​ധി. ആ​ദി​ശേ​ഖർ എന്ന പതിനഞ്ചുകാരനെ കൊലപ്പെടുത്തിയ കേസിൽ പൂ​വ​ച്ച​ല്‍ സ്വ​ദേ​ശി പ്രി​യ​ര​ഞ്ജ​ന്‍ ആ​ണ് പ്ര​തി. തി​രു​വ​ന​ന്ത​പു​രം ആ​റാം അ​ഡി​ഷ​ണ​ല്‍ ജി​ല്ലാ സെ​ഷ​ന്‍​സ് ജ​ഡ്ജി കെ. ​വി​ഷ്ണു​വാ​ണ് വി​ധി പ്ര​സ്താ​വി​ക്കു​ന്ന​ത്.

പ്രി​യ​ര​ഞ്ജ​ന്‍ ക്ഷേ​ത്ര മ​തി​ലി​ല്‍ മൂ​ത്ര​മൊ​ഴി​ച്ച​ത് ആ​ദി​ശേ​ഖർ കാണുകയും ഇത് ചോദ്യം ചെയ്യുകയും ചെയ്തിരുന്നു. ഇതിന്റെ വ്യ​ക്തി​വൈ​രാ​ഗ്യ​ത്തി​ന്‍റെ പേ​രി​ലാ​ണ് പ്ര​തി ക്രൂ​ര​കൃ​ത്യം ന​ട​ത്തി​യ​തെ​ന്ന് പൊ​ലീ​സ് പ​റ​യു​ന്നു.

2023 ഓ​ഗ​സ്റ്റ് 30നാണ് ​വീ​ടി​നു സ​മീ​പ​മു​ള്ള ക്ഷേ​ത്ര മൈ​താ​ന​ത്ത് ക​ളി​ച്ച ശേ​ഷം മ​ട​ങ്ങു​ക​യാ​യി​രു​ന്ന ആ​ദി​ശേ​ഖ​റി​നെ പ്രി​യ​ര​ഞ്ജ​ന്‍ കാ​റി​ടി​പ്പി​ച്ചു കൊ​ല​പ്പെ​ടു​ത്തിയത്. അ​പ​ക​ട​മെ​ന്ന നി​ല​യി​ല്‍ മ​നഃ​പൂ​ര്‍​വ​മ​ല്ലാ​ത്ത ന​ര​ഹ​ത്യ​ക്കു​റ്റ​മാ​ണ് ആ​ദ്യം പോ​ലീ​സ് കേ​സെ​ടു​ത്ത​ത്. എ​ന്നാ​ല്‍ സം​ഭ​വ​ത്തി​ന്‍റെ സി​സി​ടി​വി ദൃ​ശ്യം പു​റ​ത്തു​വ​ന്ന​ത് കേ​സി​ല്‍ നി​ര്‍​ണാ​യ​ക തെ​ളി​വാ​യി. പ്രി​യ​ര​ഞ്ജ​ന്‍ കാ​റി​ലി​രി​ക്കു​ന്ന​തും ആ​ദി​ശേ​ഖ​ര്‍ സൈ​ക്കി​ളി​ല്‍ ക​യ​റി​യ ഉ​ട​ന്‍ കാ​റോ​ടി​ച്ചു ക​യ​റ്റി കൊ​ല​പ്പെ​ടു​ത്തും ദൃ​ശ്യ​ങ്ങ​ളി​ല്‍ വ്യ​ക്ത​മാ​യി. തു​ട​ര്‍​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക്ക് ആ​ദി​ശേ​ഖ​റി​നോ​ട് മു​ന്‍​വൈ​രാ​ഗ്യം ഉ​ണ്ടാ​യി​രു​ന്ന​താ​യി തെ​ളി​ഞ്ഞ​ത്. സം​ഭ​വ​ശേ​ഷം ഒ​ളി​വി​ല്‍ പോ​യ പ്രി​യ​ര​ഞ്ജ​നെ ത​മി​ഴ്‌​നാ​ട്ടി​ല്‍ നി​ന്നാ​ണ് പൊ​ലീ​സ് പി​ടി​കൂ​ടി​യ​ത്.