കുനിശ്ശേരി: നാഗർകോവിലിൽ ഫുട്ബാൾ ടർഫ് നിർമാണത്തിനിടെ മുകളിൽനിന്ന് വീണ് കുനിശ്ശേരി സ്വദേശിയായ യുവാവ് മരിച്ചു. ആനക്കാംപറമ്പിൽ വാസുദേവന്റെ മകൻ അരുണാണ് (22) മരിച്ചത്. ചൊവ്വാഴ്ച ഉച്ചക്ക് ഒന്നോടെയാണ് അപകടം.
പോസ്റ്റ്മോർട്ടം നടപടിക്കുശേഷം മൃതദേഹം വഹിച്ചുള്ള ആംബുലൻസ് ബുധനാഴ്ച വൈകീട്ട് നാട്ടിലേക്ക് പുറപ്പെട്ടു. വ്യാഴാഴ്ച രാവിലെ എരിമയൂർ ചുള്ളിമടയിലെ വാതകശ്മശാനത്തിൽ സംസ്കരിക്കും. വെൽഡിങ് തൊഴിലാളിയായിരുന്നു. കരാറുകാരുടെ കീഴിൽ ജോലിക്കായി ഒരുമാസം മുമ്പാണ് വീട്ടിൽനിന്ന് പോയത്. മാതാവ്: പ്രിയ. സഹോദരി: അമൃത.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.