ഡ്രില്ലിങ് മെഷീൻ തലയിൽ തുളച്ച് കയറി; രണ്ടര വയസുകാരന് ദാരുണാന്ത്യം

തിരുവനന്തപുരം: ഡ്രില്ലിങ് മെഷീൻ തലയിൽ തുളച്ച് കയറി ഗുരുതരമായി പരിക്കേറ്റ രണ്ടര വയസുകാരൻ മരിച്ചു. തിരുവനന്തപുരം പടിഞ്ഞാറെ നടക്ക് സമീപം താമസിക്കുന്ന ധ്രുവ് ആണ് മരിച്ചത്.

വീട്ടിലെ നവീകരണ പ്രവർത്തനത്തിന് എത്തിച്ച മെഷീൻ കുട്ടി എടുത്തപ്പോഴാണ് അപകടം. കഴിഞ്ഞ ദിവസമാണ് അപകടമുണ്ടായത്. ആശുപത്രിയിൽ ചികിത്സയിലിരിക്കെയാണ് മരണം.