തൃശൂര്: എക്സൈസ് പരിശോധനയിൽ സ്പിരിറ്റ് കലർത്തി വിൽപ്പന നടത്തുന്ന 588 ലിറ്റർ കള്ള് പിടിച്ചെടുത്തു. തൃശൂര് ശ്രീനാരായണപുരത്തെ(എസ്.എൻ. പുരം) ഷാപ്പില് നിന്നാണ് 588 ലിറ്റർ സ്പിരിറ്റ് കലര്ത്തിയ കള്ള് പിടിച്ചെടുത്തത്. സംഭവത്തില് കള്ള് ഷാപ്പ് മാനേജറെ റിമാന്ഡ് ചെയ്തു. ഷാപ്പ് അടച്ചുപൂട്ടി.
ഷാപ്പ് ലൈസന്സിയായ ചാലക്കുടി മുരിങ്ങൂർ വടക്കുംമുറി പുത്തൻത്തറ വീട്ടിൽ സൈജു, ഷാപ്പ് മാനേജരായ ശ്രീനാരായണപുരം പനങ്ങാട് ചാണാശേരി വീട്ടിൽ സ്വദേശി റിജില് എന്നിവരെ പ്രതികളാക്കി കേസെടുത്തു. ഷാപ്പ് ലൈസന്സ് ഉടമയെ ഇതുവരെ അറസ്റ്റ് ചെയ്തിട്ടില്ല.
ശ്രീനാരായണപുരം സെന്ററിന് പടിഞ്ഞാറു ഭാഗത്തുള്ള പോഴങ്കാവ് ഷാപ്പില് നിന്നാണ് 21 കന്നാസുകളിലായി സൂക്ഷിച്ചിരുന്ന 588 ലിറ്റര് സ്പിരിറ്റ് കലര്ന്ന കള്ള് എക്സൈസ് സംഘം പരിശോധനയില് പിടിച്ചെടുത്തത്. സ്പിരിറ്റ് കലര്ന്ന കള്ള് പിടിച്ചെടുത്തതിനുശേഷം ഷാപ്പ് അടച്ചുപൂട്ടുകയായിരുന്നു. കോടതിയില് ഹാജരാക്കിയ രണ്ടാം പ്രതിയെ റിമാന്ഡ് ചെയ്തു. പാലക്കാട് നിന്നും കൊണ്ട് വരുന്ന കള്ളിൽ സ്പിരിറ്റ് കലർത്തിയാണ് ഷാപ്പിൽ വിൽക്കുന്നതെന്ന വിവരത്തിന്റെ അടിസ്ഥാനത്തിലാണ് എക്സൈസ് പരിശോധന നടത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.