തലശ്ശേരി: പാനൂരിൽ ബി.ജെ.പി പ്രവർത്തകന് വെട്ടേറ്റു. ഒാട്ടോ തൊഴിലാളിയായ അണിയാറം വലിയാണ്ടി പീടിക ബിജുവിനാണ് വെട്ടേറ്റത്. സ്കൂൾ വിദ്യാർഥികളുമായി പോകുന്നതിനിടെ ഓട്ടോറിക്ഷ തടഞ്ഞുനിർത്തി വെട്ടുകയായിരുന്നു.
കൈകൾക്കും കാലിനും പരിക്കേറ്റ ഇയാളെ തലശേരി മിഷൻ ആശുപത്രിയിൽ പ്രവേശിപ്പിച്ചു. പിന്നീട് വിദഗ്ധ ചികിത്സക്കായി ബിജുവിനെ കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റി.
ചൊക്ലിയിൽ നിന്ന് ഓട്ടോയിൽ മാഹി എസ്.എൻ പബ്ലിക് സ്കൂളിലേക്ക് വിദ്യാർഥികളുമായി പോകുകയായിരുന്നു ബിജു. അക്രമികൾ തടഞ്ഞപ്പോൾ റോഡിലേക്ക് മറിഞ്ഞ ഓട്ടോയിൽ നിന്നു ബിജുവിനെ പുറത്തേക്കു വലിച്ചിട്ടു വെട്ടുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.