ആലപ്പുഴ: സംസ്ഥാനത്ത് വരാൻ പോകുന്നത് എൽ.ഡി.എഫ് സർക്കാറാണെന്ന് രാഹുൽഗാന്ധിയും സമ്മതിച്ചുവെന്ന് സി.പി.എം പൊളിറ്റ്ബ്യൂറോ അംഗം പിണറായി വിജയൻ. അതുകൊണ്ടാണ് എൽ.ഡി.എഫ് സര്‍ക്കാറിന്‍റെ മദ്യനയം എന്താണെന്ന് വ്യക്തമാക്കണമെന്ന് രാഹുല്‍ ഗാന്ധി ആവശ്യപ്പെട്ടതെന്നും അദ്ദേഹം പറഞ്ഞു.
രാഹുല്‍ഗാന്ധി പറയുന്നത് കേട്ടാല്‍ തോന്നുക ഇവിടെ മദ്യം നിരോധിച്ചിട്ടുണ്ടെന്നാണ്. മദ്യനയം മൂലം മദ്യ ഉപയോഗത്തില്‍പോലും കുറവ് വന്നിട്ടില്ല. ബിവറേജസ് ഔട്ട്‌ലെ‌റ്റുകള്‍ക്ക് മുന്നില്‍ നിരവധിപേരാണ് ക്യൂ നിൽക്കുന്നതെന്നും പിണറായി പറഞ്ഞു.
കേന്ദ്രനേതാക്കളെ കണ്ടാണ് ഇവിടെയുള്ള കോണ്‍ഗ്രസുകാരും അഴിമതി പഠിച്ചത്. എ.കെ ആന്‍റണി പറയുന്നത് ഏറ്റവും നല്ല സര്‍ക്കാറാണ് ഇതെന്നാണ്. എന്തായാലും ഏറ്റവും നല്ല മുഖ്യമന്ത്രി എന്ന് പറഞ്ഞില്ല. പണം കൊടുത്തവരും സാക്ഷികളും സര്‍ക്കാറിനെതിരെ മൊഴി നല്‍കുന്നു. ഡി.ജി.പിയടക്കം സോളാര്‍ കേസിലെ വഴിവിട്ട കാര്യങ്ങളെ കുറിച്ച് മൊഴി നല്‍കി. കോടതിയുടെ കടുത്ത വിമര്‍ശവും സര്‍ക്കാറിനെതിരെ വന്നു. എന്നിട്ടും ആന്‍റണി ഗുഡ് സര്‍ട്ടിഫിക്കറ്റ് കൊടുക്കുന്നുവെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.