മുണ്ടക്കയം: ചതുഷ്കോണ മത്സരം നടക്കുന്ന പൂഞ്ഞാറിൽ പ്രചാരണത്തിനെത്തിയ വി.എസ് അച്യുതാനന്ദൻ പ്രസംഗം വെട്ടിച്ചുരുക്കി. വഞ്ചന കാട്ടിയ ഉമ്മൻചാണ്ടി സർക്കാറിനെ താഴെയിറക്കാൻ സഹകരിക്കണമെന്ന ഒറ്റവരി പ്രസംഗമാണ് വി.എസ് കോട്ടയം ജില്ലയിലെ മുണ്ടക്കയത്ത് നടത്തിയത്.
പൂഞ്ഞാറിൽ എൽ.ഡി.എഫ്, യു.ഡി.എഫ്, എൻ.ഡി.എ എന്നിവരെ കൂടാതെ സ്വതന്ത്ര സ്ഥാനാർഥിയായി സിറ്റിങ് എം.എൽ.എ പി.സി ജോർജും മത്സര രംഗത്തുണ്ട്. യു.ഡി.എഫ്, എൻ.ഡി.എ സ്ഥാനാർഥികളെയോ പി.സി ജോർജിനെയോ കടന്നാക്രമിച്ച് പ്രസംഗിക്കാൻ വി.എസ് തയാറായില്ല. പാലാ മണ്ഡലത്തിലെ തെരഞ്ഞെടുപ്പ് പ്രചാരണത്തിൽ പങ്കെടുക്കേണ്ടതു കൊണ്ടാണ് വി.എസ് പ്രസംഗം ചുരുക്കിയതെന്ന് മണ്ഡലത്തിലെ എൽ.ഡി.എഫ് നേതാക്കൾ അറിയിച്ചു.
സത്യ വിരുദ്ധമായ പ്രസംഗം നടത്താന്‍ തയാറല്ലാത്തതിനാലാണ് വി.എസ് കൂടുതല്‍ സംസാരിക്കാതിരുന്നതെന്ന് പി. സി ജോര്‍ജ് പ്രതികരിച്ചു. അഴിമതിക്കെതിരെ വോട്ടുചെയ്യണം എന്ന് വി.എസ് പറഞ്ഞതിനര്‍ത്ഥം പി. സി ജോര്‍ജിന് വോട്ട് ചെയ്യണം എന്നാണ്. തനിക്ക് വി.എസിനോട് ബഹുമാനമുണ്ടെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.