പരുന്ത് കൂട്​​ തകർത്തു; തേനീച്ചകൾ കലിപ്പ്​ തീർത്തത് ഇങ്ങനെ​

കൊ​ണ്ടോ​ട്ടി: കി​ഴി​ശ്ശേ​രി മു​ണ്ടം​പ​റ​മ്പി​ൽ ഫ​ർ​ണി​ച്ച​ർ ജോലി ചെ​യ്യു​കാ​യാ​യി​രു​ന്നവർക്ക്​ നേരെ തേ​നീ​ച്ച​ക്കൂ​ട്ടത്തി​െൻറ ആക്രമണം. 15ഓ​ളം പേ​ർ​ക്കാ​ണ് കു​ത്തേ​റ്റ​ത്.

ഇ​തി​ൽ എ​ട്ടു​പേ​രെ കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. മ​റ്റു​ള്ള​വ​ർ കി​ഴി​ശ്ശേ​രി​യി​ലെ സ്വ​കാ​ര്യ ആ​ശു​പ​ത്രി​യി​ൽ പ്രാ​ഥ​മി​ക ചി​കി​ത്സ തേ​ടി.

ഫ​ർ​ണി​ച്ച​ർ ഷെ​ഡ്​ ഉ​ട​മ മു​ണ്ടം​പ​റ​മ്പ് കൊ​ട്ട​ക്കാ​ട്ടി​ൽ അ​ബൂ​ബ​ക്ക​ർ, ഷി​ജി​ത്ത് തൃ​പ്പ​ന​ച്ചി, രാ​ധാ​കൃ​ഷ​ണ​ൻ കൊ​ണ്ടോ​ട്ടി, ഇ​ത​ര​സം​സ്ഥാ​ന തൊ​ഴി​ലാ​ളി​ക​ളാ​യ ഷ​രീ​ഫ്, സു​മി​ത്ത് തു​ട​ങ്ങിവരെയാണ് കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ച​ത്.

കു​ത്തേ​റ്റ​വ​രി​ൽ പ​കു​തി​യി​ല​ധി​കം പേ​ർ ഇ​ത​ര​സം​സ്ഥാ​ന തൊ​ഴി​ലാ​ളി​ക​ളാ​ണ്. ഉ​ട​മ അ​ബൂ​ബ​ക്ക​റി​ന് വ​ലി​യ തോ​തി​ൽ കു​ത്തേ​റ്റി​ട്ടു​ണ്ട്.

തി​ങ്ക​ളാ​ഴ്ച്ച ഉ​ച്ച​യോ​ടെ കൂ​ടി​ള​കി കൂ​ട്ട​മാ​യി എ​ത്തി​യ തേ​നീ​ച്ച​ക​ൾ അ​ക്ര​മി​ക്കു​ക​യാ​യി​രു​ന്നു​വെ​ന്ന് തൊ​ഴി​ലാ​ളി​ക​ൾ പ​റ​ഞ്ഞു. ഫ​ർ​ണി​ച്ച​ർ ഷെ​ഡി​ന് അ​ക​ല​യാ​യി തേ​നീ​ച്ച കൂ​ടു​ണ്ടാ​യി​രു​ന്നു​വെ​ന്നും പ​രു​ന്ത് തേ​നീ​ച്ച​കൂ​ടി​നെ അ​ക്ര​മി​ച്ച​പ്പോ​ൾ ഇ​വ കൂ​ടി​ളി​കി വ​രു​ക​യാ​യി​രു​ന്നു​വെ​ന്നും തൊ​ഴി​ലാ​ളി​ക​ൾ പ​റ​ഞ്ഞു.

കു​ത്തേ​റ്റ സ്വ​ഭാ​വം ക​ണ്ടി​ട്ട് കാ​ട്ടു​തേ​നീ​ച്ച​ക​ളു​ടെ രൂ​പ​ത്തി​ലു​ള്ള വ​ലി​യ തേ​നീ​ച്ച​ക​ളാ​കാം അ​ക്ര​മി​ച്ച​തെ​ന്നാ​ണ് ആ​രോ​ഗ്യ പ്ര​വ​ർ​ത്ത​ക​ർ പ​റ​യു​ന്ന​ത്.