കാഠ്മണ്ഡു: നേപ്പാളില് ആദ്യത്തെ വനിതാസ്പീക്കറായി യു.സി.പി.എന് എം.പി ഒന്സാരി ഗാര്തി മഗര് തെരഞ്ഞെടുക്കപ്പെട്ടു. ചരിത്രത്തിലാദ്യമായാണ് നേപ്പാളില് ഒരു വനിതാസ്പീക്കറെ തെരഞ്ഞെടുക്കുന്നത്. ഗാര്തി മഗര് മുമ്പ് ഉപ സ്പീക്കറായി സേവനമനുഷ്ഠിച്ചിരുന്നു. നേപ്പാള് വര്ക്കേഴ്സ് ആന്ഡ് പെസന്റ്സ് പാര്ട്ടിയിലെ അനുരാധ ഥാപ്പ മഗര് സ്ഥാനാര്ഥിത്വം പിന്വലിച്ചതോടെയാണ് ഒന്സാരി എതിരില്ലാതെ തെരഞ്ഞെടുക്കപ്പെട്ടത്. ഗാര്തി മഗറിന് ഭരണകക്ഷികളായ സി.പി.എന്-യു.എം.എല്, രാഷ്ട്രീയ പ്രജതന്ത്ര പാര്ട്ടി, മാധേശി ജനാധികാര് ഫോറം ഡെമോക്രാറ്റിക് എന്നീ സംഘടനകളുടെയും പ്രതിപക്ഷമായ നേപ്പാളി കോണ്ഗ്രസിന്െറയും പിന്തുണ ലഭിച്ചു. ഗംഗപ്രസാദ് യാദവ് ഉപ സ്പീക്കറായും എതിരില്ലാതെ തെരഞ്ഞെടുക്കപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.