കൊളംബോ: ശ്രീലങ്കയുടെ പുതിയ പ്രധാനമന്ത്രിയായി തെരഞ്ഞെടുക്കപ്പെട്ട റനില്‍ വിക്രമസിംഗെയെ യു.എന്‍ സെക്രട്ടറി ജനറല്‍ ബാന്‍ കി മൂണ്‍ അഭിനന്ദിച്ചു. രാജ്യത്ത് സമാധാനാന്തരീക്ഷം കൊണ്ടുവരാനും ന്യൂനപക്ഷങ്ങളുമായി അനുരഞ്ജനത്തില്‍ എത്താനുമുള്ള അവസരമായി ഉപയോഗപ്പെടുത്താന്‍ കഴിയട്ടെ എന്ന് അദ്ദേഹം ആശംസിച്ചു. പാര്‍ലമെന്‍ററി തെരഞ്ഞെടുപ്പില്‍ വിക്രമസിംഗെയുടെ യു.എന്‍.പി പാര്‍ട്ടി 106 സീറ്റുകളുമായി ഏറ്റവും വലിയ ഒറ്റക്കക്ഷിയായിരുന്നു.
കഴിഞ്ഞ ദിവസം പ്രസിഡന്‍റ് സിരിസേനയുടെ പാര്‍ട്ടിയുടെ പിന്തുണയോടെ പ്രധാനമന്ത്രിയായി വിക്രമസിംഗെ അധികാരത്തിലത്തെിയിരുന്നു. സത്യപ്രതിജ്ഞ ചടങ്ങിനുശേഷം ഫോണില്‍ വിളിച്ചാണ് ബാന്‍ കി മൂണ്‍ വിക്രമസിംഗെയെ അഭിനന്ദനമറിയിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.