'മോദിയേയും ഷായേയും തലയിൽകയറ്റിവച്ചത്​ നിങ്ങളല്ലേ?' ടൈംസ്​നൗവിനെ 'എയറിൽ നിർത്തി' കാഴ്​ച്ചക്കാരന്‍റെ വിമശനവർഷം -വീഡിയോ വൈറൽ

ടൈംസ്​നൗ ചാനലിന്‍റെ ലൈവ്​ ഷോയിൽ കാഴ്​ച്ചക്കാരന്‍റെ രോഷപ്രകടനം. കോവിഡ്​ സംബന്ധിച്ച്​ ചാനൽ പ്രേക്ഷകരുമായി നടത്തിയ ടൈലി ഇന്നിലാണ്​ പുനെ സ്വദേശിയായ കർമാകർ ചാനലിനെ വിമർശനശരങ്ങളാൽ പാതിഞ്ഞത്​​. കോവിഡിന്‍റെ ദുരിതക്കാഴ്​ച്ചകളായിരുന്നു ചാനൽ സ്​ക്രീനിൽ കാണിച്ചിരുന്നത്​. ഇതുസംബന്ധിച്ചുള്ള അഭിപ്രായം എന്തായിരുന്നു എന്നാണ്​ അവതാരക കർമാകറിനോട്​ ചോദിച്ചത്​.

'എട്ട്​ വർഷമായി നിങ്ങളല്ലേ മോദിയേയും ഷായേയും തലയിൽ കയറ്റിവച്ച്​ പുകഴ്​ത്തിക്കൊണ്ടിരിരിക്കുന്നത്​' എന്നായിരുന്നു അദ്ദേഹത്തിന്‍റെ തിരിച്ചുള്ള ചോദ്യം. അപകടം മനസിലാക്കിയ അവതാരക നീണ്ട വിശദീകരണത്തിനുശേഷം കമലാകറിന്‍റെ കോൾ കട്ട്​ ചെയ്യുകയായിരുന്നു. എന്നാൽ വീഡിയോ സമൂഹമാധ്യമങ്ങളിൽ എത്തിയതോടെ വൈറലായി. ധാരാളം ട്രോൾ വീഡിയോകളും ഇതുസംബന്ധിച്ച്​ പുറത്തിറങ്ങിയിട്ടുണ്ട്​.