‘നി​യ​മ​നി​ർ​മാ​ണ​ങ്ങ​ൾ സ്റ്റേ ​ചെ​യ്യാ​തി​രി​ക്കാ​റാ​ണ് പ​തി​വ്, നി​ല​വി​ലു​ള്ള​ത് പ്ര​ത്യേ​ക സ്ഥി​തി ​വി​ശേ​ഷം’; വ​ഖ​ഫ് കേസിലെ ഉത്തരവിനെ കുറിച്ച് ചീ​ഫ് ജ​സ്റ്റി​സ്

ന്യൂഡൽഹി: കോ​ട​തി​ക​ൾ നി​യ​മ​നി​ർ​മാ​ണ​ങ്ങ​ൾ സ്റ്റേ ​ചെ​യ്യാ​തി​രി​ക്കാ​റാ​ണ് പ​തി​വെ​ന്ന് സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്തയുടെ വാദത്തോട് പ്ര​തി​ക​രി​ച്ച് ചീ​ഫ് ജ​സ്റ്റി​സ് സ​ഞ്ജീ​വ് ഖ​ന്ന. എ​ന്നാ​ൽ നി​ല​വി​ലു​ള്ള​ത് പ്ര​ത്യേ​ക സ്ഥി​തി​വി​ശേ​ഷ​മാ​ണ്. നി​യ​മ​ത്തി​ലെ ചി​ല വൈ​ക​ല്യ​ങ്ങ​ൾ ഞ​ങ്ങ​ൾ ചൂ​ണ്ടി​ക്കാ​ട്ടി​യി​ട്ടു​ണ്ടെന്ന് ചീ​ഫ് ജ​സ്റ്റി​സ് വ്യക്തമാക്കി.

കേ​സി​ലെ ക​ക്ഷി​ക​ളു​ടെ അ​വ​കാ​ശ​ങ്ങ​ളെ ദോ​ഷ​ക​ര​മാ​യി ബാ​ധി​ക്കു​ന്ന ത​ര​ത്തി​ൽ നി​ല​വി​ലു​ള്ള സാ​ഹ​ച​ര്യം മാ​റ്റാ​ൻ കോ​ട​തി ഉ​ദ്ദേ​ശി​ക്കു​ന്നി​ല്ല. വ​ഖ​ഫ് ഭേ​ദ​ഗ​തി നി​യ​മ​ത്തി​നെ​തി​രാ​യ ഹ​ര​ജി​ക​ൾ സു​പ്രീം​കോ​ട​തി​യി​ൽ നി​ല​നി​ൽ​ക്കു​മ്പോ​ൾ സാ​ഹ​ച​ര്യ​ങ്ങ​ളി​ൽ മാ​റ്റം വ​രു​ത്താ​ൻ കോ​ട​തി ആ​ഗ്ര​ഹി​ക്കു​ന്നി​ല്ല. ​വ​ഖ​ഫ് ഭേ​ദ​ഗ​തി നി​യ​മ​ത്തി​ൽ പോ​സി​റ്റീ​വാ​യ ചി​ല​തു​ണ്ടെ​ന്നും നി​യ​മം അ​പ്പാ​ടെ സ്റ്റേ ​ചെ​യ്യു​ന്നി​​ല്ലെ​ന്നും ചീ​ഫ് ജ​സ്റ്റി​സ് പ​റ​ഞ്ഞു.

എ​ന്നാ​ൽ നി​ല​നി​ൽ​ക്കു​ന്ന സാ​ഹ​ച​ര്യം മാ​റ്റാ​ൻ സു​പ്രീം​കോ​ട​തി ആ​ഗ്ര​ഹി​ക്കു​ന്നി​ല്ല. വ​ഖ​ഫ് ചെ​യ്യാ​ൻ ഒ​രാ​ൾ അ​ഞ്ചു വ​ർ​ഷം ഇ​സ്‍ലാം വി​ശ്വാ​സം അ​നു​ഷ്ഠി​ക്ക​ണ​മെ​ന്ന​ത​ട​ക്ക​മു​ള്ള വ്യ​വ​സ്ഥ​ക​ൾ ത​ങ്ങ​ൾ സ്റ്റേ ​ചെ​യ്യു​ന്നി​ല്ല. അ​ന്തി​മ​മാ​യി ഒ​ന്നും തീ​രു​മാ​നി​ച്ചി​ട്ടി​ല്ലെ​ന്നും സു​പ്രീം​കോ​ട​തി വ്യ​ക്ത​മാ​ക്കി.

ഉ​പ​യോ​ഗ​ത്താ​ലു​ള്ള വ​ഖ​ഫ് ര​ജി​സ്റ്റ​ർ ചെ​യ്ത​താ​ണെ​ങ്കി​ൽ മാ​റ്റി​ല്ലെ​ന്നും കേ​ന്ദ്ര വ​ഖ​ഫ് കൗ​ൺ​സി​ലി​ലേ​ക്കും സം​സ്ഥാ​ന വ​ഖ​ഫ് ബോ​ർ​ഡു​ക​ളി​ലേ​ക്കും നി​യ​മ​നം ന​ട​ത്തി​ല്ലെ​ന്നും താ​ൻ ഉ​റ​പ്പു ന​ൽ​കാ​മെ​ന്ന് മേ​ത്ത പ​റ​ഞ്ഞ​​പ്പോ​ൾ കേ​​ന്ദ്ര​സ​ർ​ക്കാ​ർ ഉ​റ​പ്പ് ന​ൽ​കി​യ​തു​കൊ​ണ്ടാ​യി​ല്ലെ​ന്നും നി​യ​മം ന​ട​പ്പാ​യ​തി​നാ​ൽ സം​സ്ഥാ​ന സ​ർ​ക്കാ​റു​ക​ൾ ന​ട​പ​ടി​ക​ളു​മാ​യി മു​ന്നോ​ട്ടു​പോ​കു​മെ​ന്നും കോ​ട​തി ചൂ​ണ്ടി​ക്കാ​ട്ടി. എ​ങ്കി​ൽ ആ ​നി​യ​മ​നം സാ​ധു​വാ​കി​ല്ലെ​ന്ന് മേ​ത്ത മ​റു​പ​ടി ന​ൽ​കി.

ഉ​ത്ത​ര​വ് ഒ​രാ​ഴ്ച​ത്തേ​ക്ക് നീ​ട്ടൂ -തു​ഷാ​ർ മേ​ത്ത

ബു​ധ​നാ​ഴ്ച ഒ​രു​ദി​വ​സം മാ​ത്രം ഇ​ട​ക്കാ​ല ഉ​ത്ത​ര​വ് മാ​റ്റി​വെ​ക്കാ​ൻ ആ​വ​ശ്യ​പ്പെ​ട്ട കേ​ന്ദ്ര​സ​ർ​ക്കാ​ർ വ്യാ​ഴാ​ഴ്ച ഒ​രാ​ഴ്ച​ത്തേ​ക്ക് മാ​റ്റി​വെ​ക്കാ​ൻ ആ​വ​ശ്യ​പ്പെ​ടു​ക​യാ​യി​രു​ന്നു. പ്ര​ത്യ​ക്ഷ​മാ​യും പ​രോ​ക്ഷ​മാ​യും പാ​ർ​ല​​മെ​ന്റി​ന്റെ നി​യ​മ​നി​ർ​മാ​ണം സ്റ്റേ ​ചെ​യ്യു​ക​യെ​ന്ന അ​ത്യ​സാ​ധാ​ര​ണ​മാ​യ ന​ട​പ​ടി​ക്കാ​ണ് സു​പ്രീം​കോ​ട​തി മു​തി​രു​ന്ന​തെ​ന്ന് കേ​ന്ദ്ര​സ​ർ​ക്കാ​റി​ന് വേ​ണ്ടി ഹാ​ജ​രാ​യ സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത ബോ​ധി​പ്പി​ച്ചു.

ഗൗ​ര​വ​മേ​റി​യ​തും ക​ഠി​ന​വു​മാ​യ ന​ട​പ​ടി​യാ​ണി​ത്. സു​പ്രീം​കോ​ട​തി ആ​ശ​ങ്ക പ്ര​ക​ടി​പ്പി​ച്ച വ്യ​വ​സ്ഥ​ക​ൾ​ക്ക് ആ​ധാ​ര​മാ​ക്കി​യ വ​സ്തു​ത​ക​ളും രേ​ഖ​ക​ളും ഒ​രാ​ഴ്ച​ക്കു​ള്ളി​ൽ സ​മ​ർ​പ്പി​ക്കാം. ഇ​ട​ക്കാ​ല ഉ​ത്ത​ര​വ് ഒ​രാ​ഴ്ച മാ​റ്റി​വെ​ച്ചാ​ൽ ആ​കാ​ശം ഇ​ടി​ഞ്ഞു​വീ​ഴി​ല്ലെ​ന്നും തു​ഷാ​ർ മേ​ത്ത വാ​ദി​ച്ചു.