രാ​ഹു​ൽ ഗാ​ന്ധി​ കേസിലെ വിധി; അപകീർത്തി ബി.ജെ.പിക്കും ഗുജറാത്ത്​ കോടതികൾക്കും

ന്യൂ​ഡ​ൽ​ഹി: രാ​ഹു​ൽ ഗാ​ന്ധി​ക്ക്​ അ​നു​കൂ​ല​മാ​യ സു​പ്രീം​കോ​ട​തി വി​ധി കോ​ൺ​ഗ്ര​സി​നും പ്ര​തി​പ​ക്ഷ മു​ന്ന​ണി​ക്കും ന​ൽ​കു​ന്ന​ത്​ വ​ലി​യ ആ​ശ്വാ​സ​വും ആ​വേ​ശ​വു​മാ​ണ്. രാ​ഹു​ലി​നെ​തി​രാ​യ അ​പ​കീ​ർ​ത്തി കേ​സി​ലൂ​ടെ മോ​ദി സ​ർ​ക്കാ​റും ബി.​ജെ.​പി​യും ഗു​ജ​റാ​ത്തി​ലെ കോ​ട​തി​ക​ളും ഏ​റ്റു​വാ​ങ്ങു​ന്ന​താ​ക​ട്ടെ, വ​ലി​യ അ​പ​കീ​ർ​ത്തി.

- സൂ​റ​ത്ത്​ ചീ​ഫ് ജു​ഡീ​ഷ്യ​ൽ മ​ജി​സ്​​ട്രേ​റ്റ്​ കോ​ട​തി​യു​ടെ ശി​ക്ഷാ​വി​ധി​ സെ​ഷ​ൻ​സ്​ കോ​ട​തി​യും ഗു​ജ​റാ​ത്ത്​ ഹൈ​കോ​ട​തി​യും ശ​രി​വെ​ക്കു​ക​യാ​യി​രു​ന്നു. ഈ ​മൂ​ന്നു കോ​ട​തി​ക​ളു​ടെ​യും നി​ല​പാ​ടി​നെ ത​ള്ളി​പ്പ​റ​ഞ്ഞു​കൊ​ണ്ടാ​ണ്​ രാ​ഹു​ലി​ന്‍റെ ആ​വ​ശ്യം സു​പ്രീം​കോ​ട​തി അം​ഗീ​ക​രി​ച്ച​ത്. അ​പ​കീ​ർ​ത്തി കേ​സി​ൽ പ​ര​മാ​വ​ധി ശി​ക്ഷ​യാ​യ ര​ണ്ടു വ​ർ​ഷം ത​ട​വ്​ ന​ൽ​കി​യ​ത്, എം.​പി സ്ഥാ​ന​ത്തു​നി​ന്ന്​ അ​യോ​ഗ്യ​നാ​ക്കു​ക​യെ​ന്ന ഒ​റ്റ ല​ക്ഷ്യം മു​ൻ​നി​ർ​ത്തി​യാ​യി​രു​ന്നു​വെ​ന്ന സൂ​ച​ന​യും സു​പ്രീം​കോ​ട​തി വി​ധി​യി​ൽ വാ​യി​ക്കാം. ഗു​ജ​റാ​ത്തി​ലെ മൂ​ന്നു കീ​ഴ്​​കോ​ട​തി​ക​ളു​ടെ​യും നി​ഷ്പ​ക്ഷ​ത ചോ​ദ്യം ചെ​യ്യു​ന്ന​താ​ണ്​ സു​പ്രീം​കോ​ട​തി നി​രീ​ക്ഷ​ണ​ങ്ങ​ൾ.

-- ഗു​ജ​റാ​ത്ത്​ വം​ശ​ഹ​ത്യ​യു​മാ​യി ബ​ന്ധ​പ്പെ​ട്ട ഗു​രു​ത​ര​മാ​യ കേ​സു​ക​ളി​ൽ​നി​ന്നും പ്ര​തി​ക​ൾ ഊ​രി​പ്പോ​യ​ത്​ സം​സ്ഥാ​ന​ത്തെ നി​യ​മ-​നീ​തി​ന്യാ​യ സം​വി​ധാ​ന​ത്തി​നു​നേ​രെ വ​ലി​യ ചോ​ദ്യ​ചി​ഹ്​​ന​ങ്ങ​ൾ ഉ​യ​ർ​ത്തി​യി​രു​ന്നു. ബി​ൽ​കീ​സ്​ ബാ​നു​ കേ​സ്, മാ​യാ കോ​ട്​​നാ​നി കേ​സ്​ തു​ട​ങ്ങി​യ​വ കൊ​ടും കു​റ്റ​ക്കാ​രെ ത​ട​വ​റ​യി​ൽ​നി​ന്ന്​ പു​റ​ത്തേ​ക്ക്​ ഇ​റ​ക്കു​ക​യാ​ണ്​ ചെ​യ്ത​ത്.

പ​തി​റ്റാ​ണ്ടു​ക​ളാ​യി ബി.​ജെ.​പി ഭ​ര​ണം ന​ട​ത്തു​ന്ന സം​സ്ഥാ​ന​ത്തെ പൊ​ലീ​സ്​-​നീ​തി​ന്യാ​യ സം​വി​ധാ​ന​ങ്ങ​ളു​ടെ പ​ക്ഷ​പാ​തി​ത്വ​ത്തി​ന്​​ തെ​ളി​വാ​യി രാ​ഹു​ലി​ന്‍റെ കേ​സും മാ​റി.

-- രാ​ഹു​ൽ കേ​സി​ൽ മോ​ദി​സ​ർ​ക്കാ​റി​നും ബി.​ജെ.​പി​ക്കും ​ഏ​റ്റ​ത്​ മാ​ര​ക പ​രി​ക്കാ​ണ്. രാ​ഹു​ലി​നെ കോ​ട​തി ശി​ക്ഷി​ക്കു​ക​യും എം.​പി സ്ഥാ​ന​ത്തി​ന്​ അ​യോ​ഗ്യ​ത ക​ല്പി​ക്കു​ക​യും ചെ​യ്ത​ത്​ കോ​ൺ​ഗ്ര​സി​നെ ത​ള​ർ​ത്തു​ക​യ​ല്ല, പ്ര​തി​പ​ക്ഷ മു​ന്ന​ണി​യാ​യ ഇ​ൻ​ഡ്യ​യു​ടെ പി​റ​വി​ക്ക്​ നി​മി​ത്ത​മാ​യി തീ​ർ​ന്നു. രാ​ഹു​ലി​നെ കോ​ട​തി​വ്യ​വ​ഹാ​ര​ങ്ങ​ളി​ൽ ത​ള​ച്ചി​ടാ​നും പാ​ർ​ല​മെ​ന്‍റി​ൽ​നി​ന്ന്​ പു​റ​ന്ത​ള്ളാ​നു​മു​ള്ള നീ​ക്ക​മാ​യി​രു​ന്നു ബി.​ജെ.​പി നേ​താ​വാ​യ പൂ​ർ​ണേ​ഷ്​ മോ​ദി​യു​ടെ അ​പ​കീ​ർ​ത്തി കേ​സ്. എ​ന്നാ​ൽ, കേ​ന്ദ്ര അ​ന്വേ​ഷ​ണ ഏ​ജ​ൻ​സി​ക​ളു​ടെ വേ​ട്ട​യാ​ട​ൽ മു​ത​ൽ രാ​ഹു​ലി​ന്‍റെ എം.​പി സ്ഥാ​നം ക​ള​ഞ്ഞ​തു​വ​രെ​യു​ള്ള ഭ​ര​ണ​കൂ​ട​ത്തി​ന്‍റെ തു​ട​ർ​ച്ച​യാ​യ പ്ര​തി​കാ​ര ന​ട​പ​ടി​ക​ൾ പ്ര​തി​പ​ക്ഷ പാ​ർ​ട്ടി​ക​ളെ ദു​ർ​ബ​ല​പ്പെ​ടു​ത്താ​നു​ള്ള നീ​ക്ക​മാ​യി ക​ണ്ട്​ പ്ര​തി​പ​ക്ഷം സ​ട​കു​ട​ഞ്ഞ്​ എ​ഴു​ന്നേ​ൽ​ക്കു​ക​യാ​യി​രു​ന്നു.

-- ഒ​ന്നി​നു പു​റ​കെ ഒ​ന്നാ​യി സു​പ്രീം​കോ​ട​തി​യി​ൽ​നി​ന്ന്​ ഏ​ൽ​ക്കു​ന്ന പ്ര​ഹ​ര​വും മ​ണി​പ്പൂ​ർ ക​ലാ​പം നി​യ​ന്ത്രി​ക്കാ​ത്ത​തും ബി.​ജെ.​പി​യേ​യും മോ​ദി​സ​ർ​ക്കാ​റി​നെ​യും പ്ര​തി​ക്കൂ​ട്ടി​ലാ​ക്കി​യി​ട്ടു​ണ്ട്. രാ​ഹു​ലി​നെ​തി​രാ​യ വി​ധി സ്​​റ്റേ ചെ​യ്ത​തി​നു തൊ​ട്ടു​മു​മ്പ​ത്തെ ദി​വ​സ​ങ്ങ​ളി​ലാ​ണ്​ മ​ണി​പ്പൂ​ർ വി​ഷ​യ​ത്തി​ൽ കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ളെ സു​പ്രീം​കോ​ട​തി കു​ട​ഞ്ഞ​ത്. അ​ഴി​മ​തി-​അ​വ​സ​ര​വാ​ദ സം​ഘ​മാ​ണ്​ ഇ​ൻ​ഡ്യ മു​ന്ന​ണി​യെ​ന്ന ആ​രോ​പ​ണം ഉ​ന്ന​യി​ച്ച്​ പ്ര​തി​പ​ക്ഷ​ത്തെ നേ​രി​ട്ടു​വ​രു​ക​യാ​യി​രു​ന്നു ബി.​ജെ.​പി. എ​ന്നാ​ൽ, കേ​ന്ദ്ര ഏ​ജ​ൻ​സി​ക​ളെ​യും നീ​തി​ന്യാ​യ സം​വി​ധാ​ന​ങ്ങ​ളെ​ത്ത​ന്നെ​യും ബി.​ജെ.​പി ദു​രു​പ​യോ​ഗി​ക്കു​ന്നു​വെ​ന്ന കാ​ഴ്ച​പ്പാ​ട്​ പൊ​തു​സ​മൂ​ഹ​ത്തി​ൽ ബ​ല​പ്പെ​ടു​ത്തു​ക​യാ​ണ്​ സു​പ്രീം​കോ​ട​തി​യി​ൽ​നി​ന്ന്​ രാ​ഹു​ൽ നേ​ടി​യ ആ​ശ്വാ​സം. ഫ​ല​ത്തി​ൽ ജ​യി​ച്ച​ത്​ രാ​ഹു​ൽ; തോ​റ്റ​ത്​ മോ​ദി.