മുംബൈ: ബോളിവുഡ് താരം ഊർമിള മതോണ്ട്കർ ശിവസേനയിൽ ചേർന്നു. അധ്യക്ഷൻ ഉദ്ധവ് താക്കറെയുടെ സാന്നിധ്യത്തിലാണ് ഊർമിള പാർട്ടി അംഗത്വം സ്വീകരിച്ചത്. അംഗത്വം സ്വീകരിച്ചയുടനെ മഹാരാഷ്ട്ര ലെജിസ്ലേറ്റീവ് കൗൺസിലിലേക്ക് ഊർമിളയെ പാർട്ടി നോമിനേറ്റ് ചെയ്തു. ഗവർണർ ബി.എസ് കോഷിയാരിക്ക് സർക്കാർ ഇതുസംബന്ധിച്ച് കത്തയച്ചു.
ഉദ്ധവ് താക്കറെയുടെ ഭാര്യ രശ്മി താക്കറെ 'ശിവ് ബന്ധൻ' കെട്ടിക്കൊണ്ടാണ് ഊർമിളയെ സ്വീകരിച്ചത്. പ്രിയങ്ക ചതുർവേദി, കിശോരി പട്നേക്കർ തുടങ്ങിയവരും ചടങ്ങിൽ സംബന്ധിച്ചു.
കഴിഞ്ഞ വർഷം മാർച്ച് 27ന് ഊർമിള കോൺഗ്രസ് അംഗത്വം സ്വീകരിച്ചിരുന്നു. ഇതിന് പിന്നാലെ ലോക്‌സഭാ തെരഞ്ഞെടുപ്പിൽ നോർത്ത് മുംബൈയിൽ നിന്നും ബി.ജെ.പി നേതാവ് ഗോപാൽ ഷെട്ടിക്കെതിരെ മത്സരിച്ച് തോറ്റു. പിന്നാലെ കോൺഗ്രസ് പാർട്ടിയിൽ നിന്നും രാജി വെച്ചു. പാർട്ടിയിൽ ചേർന്ന് 167 ദിവസത്തിനകമായിരുന്നു രാജി. ഇതിന് പിന്നാലെയാണ് ശിവസേനയിലേക്കുള്ള രംഗപ്രവേശം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.