ന്യൂഡൽഹി: ലോക്ഡൗണിനെ തുടർന്ന് വീട്ടിൽ കഴിയുന്ന പിതാവിെൻറ മുടിയും താടിയും വെട്ടി ഒതുക്കുന്ന ദൃശ്യം ട്വ ിറ്ററിൽ പങ്കുവെച്ച് ലോക് ജനശക്തി പാർട്ടി അധ്യക്ഷൻ ചിരാഗ് പസ്വാൻ. പിതാവും കേന്ദ്രമന്ത്രിയുമായ രാം വിലാസ് പസ്വാെൻറ താടിയും മീശയും വെട്ടിയൊതുക്കി കൊടുക്കുന്ന ദൃശ്യമാണ് ചിരാഗ് ട്വിറ്ററിൽ പങ്കുവെച്ചത്.
ക സേരയിൽ ഇരിക്കുന്ന പസ്വാെൻറ അരികിൽ മുട്ടുകുത്തിയിരുന്ന് താടിയും മീശയും ട്രിമ്മർ ഉപയോഗിച്ച് ചിരാഗ് വെട്ടി ഒതുക്കുന്ന ദൃശ്യമാണ് ട്വിറ്ററിലുള്ളത്. ഇടക്ക് പിതാവിന് കണ്ണാടി കാണിച്ചുകൊടുക്കുന്നതും അദ്ദേഹം അഭിപ്രായം പറയുന്നതും കാണാം.
‘‘ബുദ്ധിമുട്ടുള്ള കാലമാണ് ലോക്ഡൗൺ എന്നത്. എന്നാൽ, ഇതിനൊരു നല്ല വശം കൂടിയുണ്ട്. നിങ്ങൾക്ക് ഇങ്ങനെയുള്ള കഴിവുകളുെണ്ടന്ന് ഒരിക്കലും അറിയാനിടയില്ല. നമുക്ക് മനോഹരമായ ഓർമ്മകളിലൂടെ കോറോണക്കെതിരെ പോരാടാം’- ചിരാഗ് ട്വിറ്ററിൽ കുറിച്ചു.
ലോക്ഡൗണിനെ തുടർന്ന് ബാബർഷോപ്പുകൾ തുറക്കാതായതോടെ താരങ്ങൾ ഉൾപ്പെടെ പലരും മുടിവെട്ടാനും താടിയും മീശയും ട്രിമ്മുചെയ്യാനുമൊക്കെയുള്ള കഴിവുകൾ പുറത്തെടുത്തിരുന്നു. ലോക്ഡൗൺ കാലത്ത് വീട്ടിൽ എല്ലാവർക്കും ധരിക്കാനുള്ള മാസ്കുകൾ തുന്നുന്ന ഭാര്യയുടെയും മകളുടെയും ചിത്രം കേന്ദ്രമന്ത്രി ധമേന്ദ്രപ്രധാൻ ട്വിറ്ററിൽ പങ്കുവെച്ചിരുന്നു. എങ്ങനെ മാസ്ക് നിർമിക്കുമെന്ന് വിശദീകരിച്ച് സ്മൃതി ഇറാനിയും ചിത്രങ്ങൾ ട്വിറ്ററിൽ പോസ്റ്റ് ചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.