ന്യൂഡൽഹി: ട്വിറ്ററിനെതിരായ വിമർശനം ശക്തമാക്കി കോൺഗ്രസ് നേതാവ് രാഹുൽ ഗാന്ധി. ട്വിറ്റർ രാജ്യത്തിന്റെ രാഷ്ട്രീയ പ്രക്രിയയിൽ ഇടപെടുകയാണെന്ന് രാഹുൽ കുറ്റപ്പെടുത്തി. ട്വിറ്റർ ജനാധിപത്യത്തെ ആക്രമിക്കുകയാണെന്നും അദ്ദേഹം പറഞ്ഞു. നേരത്തെ ട്വിറ്റർ രാഹുൽ ഗാന്ധിയുടെ അക്കൗണ്ട് ലോക്ക് ചെയ്തിരുന്നു.
തന്റെ ട്വിറ്റർ അക്കൗണ്ട് ലോക്ക് ചെയ്തതിലൂടെ രാഷ്ട്രീയ പ്രക്രിയയിൽ കമ്പനി ഇടപെടുകയാണ്.ഇന്ത്യയിലെ രാഷ്ട്രീയത്തേയും രാഷ്ട്രീയക്കാരേയും ഒരു കമ്പനി നിർവചിക്കുന്നത് ശരിയല്ലെന്നും രാഹുൽ ഗാന്ധി പറഞ്ഞു. യുട്യൂബിൽ ട്വിറ്ററിന്റെ അപകടകരമായ കളി എന്ന പേരിൽ പുറത്തിറക്കിയ വിഡിയോയിലാണ് രാഹുലിന്റെ പരാമർശം.
ഇന്ത്യക്കാർ എന്നനിലയിൽ നമ്മൾ ചോദ്യം ചോദിക്കണം. സർക്കാറിന് കീഴിലായതിനാൽ ഇന്ത്യയിലെ രാഷ്ടീയത്തെ നിർവചിക്കാൻ കമ്പനികൾക്ക് അധികാരം നൽകാമോ. അതോ നമ്മുടെ രാഷ്ട്രീയനയം നാം തന്നെ നിർവചിക്കണോ വേണ്ടതെന്നും രാഹുൽ ഗാന്ധി ചോദിച്ചു. രാഹുൽ ഉൾപ്പടെ പല പ്രമുഖ കോൺഗ്രസ് നേതാക്കളുടേയും ട്വിറ്റർ ഹാൻഡിലുകൾ കമ്പനി ലോക്ക് ചെയ്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.