വോട്ടെണ്ണലിനിടെ ക്ഷേത്രം സന്ദർശിച്ച് ത്രിപുര മുഖ്യമന്ത്രി മണിക് സാഹ

അഗർത്തല: വോട്ടെണ്ണലിനിടെ ക്ഷേത്രം സന്ദർശിച്ച് ത്രിപുര മുഖ്യമന്ത്രി മണിക് സാഹ. സുന്ദരി മാ ക്ഷേത്രത്തിലെത്തിയാണ് അദ്ദേഹം അനുഗ്രഹം തേടിയത്. ബി.ജെ.പി വക്താവ് സാംബിത് പാത്രയും അദ്ദേഹത്തിനൊപ്പമുണ്ടായിരുന്നു.

തെരഞ്ഞെടുപ്പ് ഫലം ​പ്രഖ്യാപിക്കുന്നതിന് മുമ്പ് സുന്ദരി മായുടെ അനുഗ്രഹം തേടിയാണ് ക്ഷേത്രത്തിലെത്തിയതെന്ന് അദ്ദേഹം സമൂഹമാധ്യമത്തിലെ കുറിപ്പിൽ പറഞ്ഞു. ക്ഷേത്രം സന്ദർശിക്കുന്നതിന്റെ ചിത്രവും സാഹ പങ്കുവെച്ചിട്ടുണ്ട്.

ത്രിപുര, മേഘാലയ, നാഗലാൻഡ് എന്നീ മൂന്ന് വടക്ക്-കിഴക്കൻ സംസ്ഥാനങ്ങളിലേക്കുള്ള വോട്ടെണ്ണൽ പുരോഗമിക്കുകയാണ്. ത്രിപുരയിൽ ഇക്കുറി കോൺഗ്രസും സി.പി.എമ്മും സഖ്യമായാണ് മത്സരിക്കുന്നത്. ഗോത്ര പാർട്ടിയാണ് തിപ്ര മോതയും ത്രിപുരയിൽ നിർണായക ശക്തിയാണ്.