കടുവ, പുള്ളിപ്പുലി തോലുകൾ പിടിച്ചെടുത്തു; ആറു പേർ അറസ്റ്റിൽ

ഭുവനേശ്വർ: ഒഡീഷയിൽ പിടിയിലായ അന്തർസംസ്ഥാന റാക്കറ്റിൽനിന്നും കടുവയുടെയും പുള്ളിപ്പുലിയുടെയും തോലുകൾ പിടിച്ചെടുത്തു. സംഭവത്തിൽ ആറു പേരെ അറസ്റ്റ് ചെയ്തു.

കലഹന്ദി ജില്ലയിൽ ശനിയാഴ്ചയാണ് സംഭവം. ഒഡീഷ-ഛത്തീസ്ഗഢ് വനംവകുപ്പ് ഉദ്യോഗസ്ഥരുടെയും വൈൽഡ് ലൈഫ് ക്രൈം കൺട്രോൾ ബ്യൂറോ ഉദ്യോഗസ്ഥരുടെയും നേതൃത്വത്തിലായിരുന്നു നീക്കം.

വന്യജീവികൾക്കെതിരായ ആക്രമണങ്ങളുടെ ഹോട്ട്സ്പോട്ടായി കലഹന്ദി ജില്ല മാറിയിരിക്കുകയാണെന്ന് വനംവകുപ്പ് ഉദ്യോഗസ്ഥർ പറയുന്നു.

ആറു മാസത്തിനിടെ അഞ്ച് കടുവകളുടെ തോലാണ് ഛത്തീസ്ഗഢിലെ ഗരിയാബുന്തിൽനിന്ന് പിടിച്ചെടുത്തത്.