നാഗ്പൂർ: ഐഫോൺ വാങ്ങി നൽകാത്തതിൽ മനംനൊന്ത് വിദ്യാർഥി ജീവനൊടുക്കി. മഹാരാഷ്ട്രയിലെ നാഗ്പൂരിലാണ് സംഭവം. റായ്സോണി കോളജിലെ ഒന്നാം വർഷ ബിരുദ വിദ്യാർഥിയായ 18 കാരിയാണ് മരിച്ചത്. മാതാപിതാക്കൾ ഐഫോൺ വാങ്ങി നൽകാത്തതിൽ പെൺകുട്ടിക്ക് നിരാശ ഉണ്ടായിരുന്നെന്നും ഇതാണ് ആത്മഹത്യയിലേക്ക് നയിച്ചതെന്നും പൊലീസ് അറിയിച്ചു.
പെൺകുട്ടിക്ക് ഐഫോൺ വാങ്ങി നൽകാമെന്ന് വീട്ടുകാർ ഉറപ്പു നൽകിയിരുന്നു. എന്നാൽ വിവിധ കാരണങ്ങളാൽ ഫോൺ വാങ്ങി നൽകാൻ കഴിഞ്ഞില്ല. ഫോൺ വാങ്ങി നൽകുന്നതിൽ കാലതാമസം ഉണ്ടായതോടെ പെൺകുട്ടി നിരാശയിലായി. തന്‍റെ ആഗ്രഹം സാധിച്ചു നൽകാൻ മതാപിതാക്കൾക്ക് താല്പര്യം ഇല്ലെന്ന് പെൺകുട്ടി കരുതുകയായിരുന്നു. തുടർന്ന് വെള്ളിയാഴ്ച പെൺകുട്ടിയെ മുറിയിൽ തൂങ്ങിമരിച്ച നിലയിൽ കണ്ടെത്തുകയായിരുന്നെന്ന് പൊലീസ് പറഞ്ഞു.
മാതാപിതാക്കളുടെ മൊഴി രേഖപ്പെടുത്തിയതായും മറ്റ് കാരണങ്ങളാണോ ആത്മഹത്യയിലേക്ക് നയിച്ചതെന്ന് പരിശോധിക്കുമെന്നും പൊലീസ് അറിയിച്ചു. സംഭവത്തിൽ അന്വേഷണം പുരോഗമിക്കുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.