ഇ​ന്ത്യ-​യു.​എ​സ് വ്യാ​പാ​ര ക​രാ​ർ ച​ർ​ച്ച മു​ന്നോ​ട്ട്; ഇ​ള​വിനായി വാ​ദി​ച്ച് ഇ​രു​പ​ക്ഷ​വും

ന്യൂ​ഡ​ൽ​ഹി: ഇ​ന്ത്യ​യും അ​മേ​രി​ക്ക​യും ത​മ്മി​ലെ വ്യാ​പാ​ര ക​രാ​ർ സം​ബ​ന്ധി​ച്ച് തി​ര​ക്കി​ട്ട ച​ർ​ച്ച​ക​ൾ ആ​റാം ദി​വ​സ​ത്തി​ലേ​ക്ക്. ച​ർ​ച്ച​ക​ൾ നി​ർ​ണാ​യ​ക ഘ​ട്ട​ത്തി​ലാ​ണെ​ന്നും കൂ​ടു​ത​ൽ​പേ​ർ തൊ​ഴി​ലെ​ടു​ക്കു​ന്ന മേ​ഖ​ല​ക​ളി​ലെ ഉ​ൽ​പ​ന്ന​ങ്ങ​ൾ​ക്ക് അ​മേ​രി​ക്ക​ൻ വി​പ​ണി​യി​ൽ തീ​രു​വ ഇ​ള​വ് വേ​ണ​മെ​ന്നാ​ണ് ഇ​ന്ത്യ​യു​ടെ ആ​വ​ശ്യ​മെ​ന്നും ച​ർ​ച്ച​ക​ളി​ൽ പ​​ങ്കെ​ടു​ക്കു​ന്ന ഉ​ദ്യോ​ഗ​സ്ഥ​ൻ പ​റ​ഞ്ഞു.

ര​ണ്ട് ദി​വ​സ​ത്തെ ച​ർ​ച്ച​ക​ൾ​ക്കാ​യാ​ണ് വാ​ണി​ജ്യ വ​കു​പ്പി​ലെ പ്ര​ത്യേ​ക സെ​ക്ര​ട്ട​റി രാ​ജേ​ഷ് അ​ഗ​ർ​വാ​ളി​ന്റെ നേ​തൃ​ത്വ​ത്തി​ലു​ള്ള ഇ​ന്ത്യ​ൻ സം​ഘം വാ​ഷി​ങ്ട​ണി​ലെ​ത്തി​യ​ത്. ജൂ​ൺ 26ന് ​തു​ട​ങ്ങി​യ ച​ർ​ച്ച പി​ന്നീ​ട് നീ​ട്ടു​ക​യാ​യി​രു​ന്നു. ട്രം​പി​ന്റെ പ​ക​ര​ത്തീ​രു​വ താ​ൽ​ക്കാ​ലി​ക​മാ​യി നി​ർ​ത്തി​വെ​ച്ച​തി​െ​ന്റ കാ​ലാ​വ​ധി ജൂ​ലൈ ഒ​മ്പ​തി​ന് അ​വ​സാ​നി​ക്കു​ന്ന​തി​നാ​ൽ അ​തി​നു​മു​മ്പ് ക​രാ​റി​ന് അ​ന്തി​മ രൂ​പ​മു​ണ്ടാ​ക്കാ​നാ​ണ് ഇ​രു​പ​ക്ഷ​വും ശ്ര​മി​ക്കു​ന്ന​ത്.

അ​മേ​രി​ക്ക​ൻ കാ​ർ​ഷി​ക ഉ​ൽ​പ​ന്ന​ങ്ങ​ൾ​ക്ക് തീ​രു​വ ഇ​ള​വു​ക​ൾ ന​ൽ​കു​ന്ന​തി​നെ​തി​രെ ഇ​ന്ത്യ ക​ടു​ത്ത നി​ല​പാ​ടി​ലാ​ണ്. അ​തോ​ടൊ​പ്പം, തു​ണി​ത്ത​ര​ങ്ങ​ൾ, എ​ൻ​ജി​നീ​യ​റി​ങ്, തു​ക​ൽ, ര​ത്ന​ങ്ങ​ൾ, ആ​ഭ​ര​ണ​ങ്ങ​ൾ തു​ട​ങ്ങി​യ തൊ​ഴി​ൽ-​സാ​ന്ദ്ര​ത കൂ​ടി​യ ഉ​ൽ​പ​ന്ന​ങ്ങ​ൾ​ക്ക് തീ​രു​വ ഇ​ള​വ് വേ​ണ​മെ​ന്നും ഇ​ന്ത്യ ആ​വ​ശ്യ​പ്പെ​ടു​ന്നു​ണ്ട്. ചി​ല വ്യ​വ​സാ​യി​ക വ​സ്തു​ക്ക​ൾ, വാ​ഹ​ന​ങ്ങ​ൾ, (പ്ര​ത്യേ​കി​ച്ച് ഇ​ല​ക്ട്രി​ക് വാ​ഹ​ന​ങ്ങ​ൾ), വൈ​നു​ക​ൾ, പെ​ട്രോ​കെ​മി​ക്ക​ൽ ഉ​ൽ​പ​ന്ന​ങ്ങ​ൾ, പാ​ൽ, ആ​പ്പി​ൾ, ജ​നി​ത​ക​മാ​റ്റം വ​രു​ത്തി​യ വി​ള​ക​ൾ തു​ട​ങ്ങി​യ​വ​ക്ക് ഇ​ന്ത്യ​യി​ൽ തീ​രു​വ ഇ​ള​വ് വേ​ണ​മെ​ന്ന് അ​മേ​രി​ക്ക​യും ആ​വ​ശ്യ​പ്പെ​ടു​ന്നു.

ഏ​പ്രി​ൽ ര​ണ്ടി​നാ​ണ് മ​റ്റു രാ​ജ്യ​ങ്ങ​ൾ​ക്കൊ​പ്പം ഇ​ന്ത്യ​ൻ ഉ​ൽ​പ​ന്ന​ങ്ങ​ൾ​ക്ക് അ​മേ​രി​ക്ക 26 ശ​ത​മാ​നം പ​ക​ര​ച്ചു​ങ്കം ചു​മ​ത്തി​യ​ത്. പി​ന്നീ​ട് ഇ​ത് 90 ദി​വ​സ​ത്തേ​ക്ക് നി​ർ​ത്തി​വെ​ച്ചു. അ​തേ​സ​മ​യം, എ​ല്ലാ രാ​ജ്യ​ങ്ങ​ൾ​ക്കും അ​മേ​രി​ക്ക ഏ​ർ​പ്പെ​ടു​ത്തി​യ 10 ശ​ത​മാ​നം അ​ടി​സ്ഥാ​ന തീ​രു​വ നി​ല​വി​ൽ ഇ​ന്ത്യ​ക്കും ബാ​ധ​ക​മാ​ണ്. വ്യാ​പാ​ര ച​ർ​ച്ച​ക​ൾ പ​രാ​ജ​യ​പ്പെ​ട്ടാ​ൽ, 26 ശ​ത​മാ​നം പ​ക​ര​ത്തീ​രു​വ വീ​ണ്ടും പ്രാ​ബ​ല്യ​ത്തി​ൽ വ​രു​മെ​ന്ന ഭീ​ഷ​ണി​യാ​ണ് മു​ന്നി​ലു​ള്ള​ത്.

കാ​ർ​ഷി​ക, ക്ഷീ​ര മേ​ഖ​ല​ക​ളി​ൽ ഇ​ന്ത്യ തീ​രു​വ ഇ​ള​വു​ക​ൾ ന​ൽ​ക​ണ​മെ​ന്നാ​ണ് യു.​എ​സ് ആ​വ​ശ്യ​പ്പെ​ടു​ന്ന​ത്. എ​ന്നാ​ൽ, ഇ​ന്ത്യ​ൻ ക​ർ​ഷ​ക​ർ​ക്ക് തി​രി​ച്ച​ടി​യാ​കു​ന്ന ഈ ​നി​ർ​ദേ​ശം അം​ഗീ​ക​രി​ക്കാ​ൻ സ​ർ​ക്കാ​റി​ന് അ​ത്ര എ​ളു​പ്പ​മ​ല്ല. രാ​ഷ്ട്രീ​യ​പ​ര​മാ​യും ഈ ​മേ​ഖ​ല​ക​ൾ ഏ​റെ പ്ര​ധാ​ന​പ്പെ​ട്ട​താ​യ​തി​നാ​ൽ സ​ർ​ക്കാ​റി​ന് ക​രു​ത​ലോ​ടെ നീ​ങ്ങേ​ണ്ടി​വ​രും. രാ​ജ്യം ഇ​തു​വ​രെ ഒ​പ്പു​വെ​ച്ച സ്വ​ത​ന്ത്ര വ്യാ​പാ​ര ക​രാ​റു​ക​ളി​ൽ ക്ഷീ​ര​മേ​ഖ​ല തു​റ​ന്നു​കൊ​ടു​ത്തി​ട്ടി​ല്ല.