കേ​ണ​ൽ സോ​ഫി​യ​ ഖു​റേ​ഷിയു​ടെ ഡീ​പ് ഫേ​ക് വി​ഡി​യോ​ സു​പ്രീം​കോ​ട​തി​യി​ൽ; മ​ധ്യ​പ്ര​ദേ​ശ് മ​ന്ത്രി​യു​ടെ കേ​സ് മാ​റ്റി

ന്യൂ​ഡ​ൽ​ഹി: ഓ​പ​റേ​ഷ​ൻ സി​ന്ദൂ​ർ വി​ശ​ദീ​ക​രി​ച്ച കേ​ണ​ൽ സോ​ഫി​​യ​ യു​ടെ സം​സാ​ര​മാ​യി സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ക്കു​ന്ന ‘ഡീ​പ് ഫേ​ക്’ വി​ഡി​യോ​യും സു​പ്രീം​കോ​ട​തി​യി​ൽ. ‘മേം ​മു​സ​ൽ മാ​ൻ ഹൂം’ ​എ​ന്ന് പ​റ​ഞ്ഞു​തു​ട​ങ്ങു​ന്ന വി​ഡി​യോ ആ​ണ് സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ക്കു​ന്ന​ത്. വ്യാ​ജ ഉ​ള്ള​ട​ക്ക​ങ്ങ​ൾ ത​ട​യാ​ൻ വി​ദ​ഗ്ധ സ​മി​തി രൂ​പ​വ​ത്ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് പൊ​തുതാ​ൽ​പ​ര്യ ഹ​ര​ജി സ​മ​ർ​പ്പി​ച്ച ന​രേ​ന്ദ്ര കു​മാ​ർ ഗോ​സ്വാ​മി​യാ​ണ് ഇ​ത് കോ​ട​തി​യു​ടെ ശ്ര​ദ്ധ​യി​ൽ കൊ​ണ്ടു​വ​ന്ന​ത്.

വി​ഷ​യം ഗൗ​ര​വ​മു​ള്ള​താ​ണെ​ന്നും എ​ന്നാ​ൽ, സ​മാ​ന സ്വ​ഭാ​വ​മു​ള്ള കേ​സ് ര​ണ്ട് വ​ർ​ഷ​മാ​യി ഡ​ൽ​ഹി ഹൈ​കോ​ട​തി ചീ​ഫ് ജ​സ്റ്റി​സ് അ​ധ്യ​ക്ഷ​നാ​യ ബെ​ഞ്ചി​ന് മു​മ്പാ​കെ പ​രി​ഗ​ണ​ന​യി​ൽ ഉ​ള്ള​ത് ചൂ​ണ്ടി​ക്കാ​ട്ടി ഹൈ​കോ​ട​തി​യെ സ​മീ​പി​ക്കാ​ൻ സു​പ്രീം​കോ​ട​തി നി​ർ​ദേ​ശി​ച്ചു. ഹ​ര​ജി​ക്കാ​ര​ന്റെ വാ​ദം കേ​ൾ​ക്കാ​നും അ​ദ്ദേ​ഹം ന​ൽ​കു​ന്ന നി​ർ​ദേ​ശ​ങ്ങ​ൾ പ​രി​ഗ​ണി​ക്കാ​നും ഹൈ​കോ​ട​തി​യോ​ട് അ​ഭ്യ​ർ​ഥി​ക്കു​​ന്നു​​വെ​ന്നും ജ​സ്റ്റി​സു​മാ​രാ​യ സൂ​ര്യ​കാ​ന്ത്, എ​ൻ. കോ​ടീ​ശ്വ​ർ സി​ങ് എ​ന്നി​വ​ര​ട​ങ്ങി​യ ബെ​ഞ്ച് അ​റി​യി​ച്ചു. തൃ​പ്തി​ക​ര​മ​ല്ലെ​ങ്കി​ൽ സു​പ്രീം​കോ​ട​തി​യി​ലേ​ക്ക് വ​രാ​മെ​ന്നും ബെ​ഞ്ച് വ്യ​ക്ത​മാ​ക്കി.

‘താ​ൻ മു​സ്‍ലി​മാ​ണ്, എ​ന്നാ​ൽ തീ​വ്ര​വാ​ദി​യ​ല്ല. എ​ല്ലാ തീ​വ്ര​വാ​ദി​ക​ളെ​യും എ​ന്റെ കൈ​കൊ​ണ്ട് ന​ശി​പ്പി​ക്കാ​ൻ താ​ൻ പ്ര​തി​ജ്ഞ​െ​യ​ടു​ത്തി​രി​ക്കു​ന്നു’ എ​ന്ന് സോ​ഫി​യ ഖു​റേ​ഷി പ​റ​യു​ന്ന നി​ർ​മി​ത ബു​ദ്ധി (എ.​ഐ) ഉ​പ​യോ​ഗി​ച്ചു നി​ർ​മി​ച്ച ഡീ​പ് ഫേ​ക് വി​ഡി​യോ ആ​ണ് സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ക്കു​ന്ന​ത്. അ​തേ​സ​മ​യം, കേ​ണ​ൽ സോ​ഫി​യ ഖു​റേ​ഷി​ക്കെ​തി​രാ​യ വ​ർ​ഗീ​യ പ​രാ​മ​ർ​ശ​ത്തി​ന് മ​ധ്യ​പ്ര​ദേ​ശ് ബി.​ജെ.​പി മ​ന്ത്രി വി​ജ​യ് ഷാ​ക്കെ​തി​രെ കേ​സെ​ടു​ത്ത​തി​ന് എ​തി​രാ​യ ഹ​ര​ജി പ​രി​ഗ​ണി​ക്കു​ന്ന​ത് സു​പ്രീം​കോ​ട​തി മേ​യ് 19ലേ​ക്ക് മാ​റ്റി.

അതിനിടെ, കേ​ണ​ൽ സോ​ഫി​യ ഖു​റേ​ഷി​യെ ല​ക്ഷ്യം വെ​ച്ചു​ള്ള ആ​ക്ഷേ​പ​ക​ര​മാ​യ പ​രാ​മ​ർ​ശ​ങ്ങ​ൾ​ക്ക് മ​ന്ത്രി വി​ജ​യ് ഷാ​യെ മ​ന്ത്രി​സ​ഭ​യി​ൽ​നി​ന്ന് പു​റ​ത്താ​ക്ക​ണ​മെ​ന്ന് ആ​വ​ശ്യ​പ്പെ​ട്ട് കോ​ൺ​ഗ്ര​സ് എം.​എ​ൽ.​എ​മാ​ർ മ​ധ്യ​പ്ര​ദേ​ശ് ഗ​വ​ർ​ണ​റു​ടെ വ​സ​തി​ക്ക് മു​ന്നി​ൽ അ​നി​ശ്ചി​ത​കാ​ല കു​ത്തി​യി​രി​പ്പ് സ​മ​രം തു​ട​ങ്ങി. പ്ര​തി​പ​ക്ഷ നേ​താ​വ് ഉ​മാ​ങ് സിം​ഗാ​റി​ന്റെ നേ​തൃ​ത്വ​ത്തി​ൽ കോ​ൺ​ഗ്ര​സ് എം.​എ​ൽ.​എ​മാ​ർ ഗ​വ​ർ​ണ​ർ മം​ഗു​ഭാ​യ് പ​ട്ടേ​ലി​നെ സ​ന്ദ​ർ​ശി​ച്ച ശേ​ഷ​മാ​ണ് രാ​ജ്ഭ​വ​ന് മു​ന്നി​ൽ കു​ത്തി​യി​രി​പ്പ് തു​ട​ങ്ങി​യ​ത്. പ്ര​തി​പ​ക്ഷ പ്ര​തി​ഷേ​ധ​ത്തെ നാ​ട​കം എ​ന്ന് വി​ശേ​ഷി​പ്പി​ച്ച മു​ഖ്യ​മ​ന്ത്രി മോ​ഹ​ൻ യാ​ദ​വ്, വി​ഷ​യം കോ​ട​തി​യു​ടെ പ​രി​ഗ​ണ​ന​യി​ലാ​ണെ​ന്ന് പ​റ​ഞ്ഞു.