ചെന്നൈ: ആർട് ഓഫ് ലിവിങ് സ്ഥാപകൻ ശ്രീ ശ്രീ രവിശങ്കർ സഞ്ചരിച്ച ഹെലികോപ്ടറിന് മോശം കാലാവസ്ഥയെ തുടർന്ന് തമിഴ്നാട്ടിലെ സത്യമംഗലം വനത്തിൽ അടിയന്തര ലാൻഡിങ്. തിരുപ്പൂരിലേക്കുള്ള യാത്രക്കിടെ ഇന്ന് രാവിലെയാണ് സംഭവം. കടമ്പൂരിലായിരിലെ ആദിവാസി മേഖലയിൽ ഹെലികോപ്ടർ സുരക്ഷിതമായി ലാൻഡിങ് നടത്തി. 50 മിനുട്ടിന് ശേഷമാണ് ഹെലികോപ്ടർ യാത്ര തുടർന്നത്.
ബംഗളൂരുവിൽ നിന്ന് തിരുപ്പൂരിലെ ക്ഷേത്രത്തിൽ കുംഭാഭിഷേകത്തിനായി വരികയായിരുന്നു രവിശങ്കറും സംഘവും. കനത്ത മൂടൽമഞ്ഞിനെ തുടർന്നാണ് ഈറോഡിന് സമീപം സത്യമംഗലം വനത്തിൽ അടിയന്തര ലാൻഡിങ് ആവശ്യമായി വന്നത്. വിവരമറിഞ്ഞ് നിരവധിയാളുകൾ സ്ഥലത്തെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.