ന്യൂഡൽഹി: ഉത്തർപ്രദേശിൽ എസ്.പി-ബി.എസ്.പി സഖ്യം 2019 ലോക്സഭ തെരഞ്ഞെടുപ്പിൽ ബി.ജെ.പിക്ക് വെല്ലുവിളിയാകുമെന്ന് അമിത് ഷാ. എങ്കിലും അമേഠിയിലോ റായ്ബറേലിയിലോ കോൺഗ്രസിനെ ബി.ജെ.പി പരാജയപ്പെടുത്തുമെന്നും ഷാ പറഞ്ഞു. മോദി സർക്കാറിെൻറ നാലാം വാർഷികാഘോഷത്തോട് അനുബന്ധിച്ച നടത്തിയ പരിപാടിയിൽ സംസാരിക്കുകയായിരുന്നു അമിത് ഷാ.
കഴിഞ്ഞ തെരഞ്ഞെടുപ്പിൽ ബി.ജെ.പിക്ക് സീറ്റ് നേടാൻ സാധിക്കാതിരുന്ന തെലുങ്കാന, തമിഴ്നാട്, കേരളം, പശ്ചിമബംഗാൾ, ഒഡീഷ, ആന്ധ്രപ്രദേശ് എന്നിവടങ്ങളിൽ ഇക്കുറി ബി.ജെ.പി സീറ്റ് നേടുമെന്നും ഷാ വ്യക്തമാക്കി.
ശിവസേനയുമായുള്ള സഖ്യം ഉപേക്ഷിക്കണമെന്ന് ബി.ജെ.പിക്ക് ആഗ്രഹമില്ല. എന്നാൽ ശിവസേന സഖ്യത്തിൽ നിന്ന് പിൻമാറുകയാണെങ്കിൽ പാർട്ടിക്ക് മുന്നിൽ മറ്റ് വഴികളില്ലെന്നും ഷാ വ്യക്തമാക്കി. 2014ലെ തെരഞ്ഞെടുപ്പിൽ ബി.ജെ.പിയെ തകർക്കാൻ പ്രതിപക്ഷ പാർട്ടികൾ ഒന്നിച്ചുവെങ്കിലും അതിന് സാധിച്ചിരുന്നില്ല. 2019ലെ തെരഞ്ഞെടുപ്പിലും ഇതു തന്നെ ആവർത്തിക്കുമെന്നും അദ്ദേഹം പറഞ്ഞു.
രാജസ്ഥാൻ, ചത്തീസ്ഗഢ്, മധ്യപ്രദേശ് എന്നിവടങ്ങളിലെ മുഖ്യമന്ത്രിമാരെ മാറ്റില്ല. രാജസ്ഥാനിലെ പുതിയ ബി.ജെ.പി പ്രസിഡൻറിനെ മെയ് 26ന് ശേഷം പ്രഖ്യാപിക്കുമെന്നും അമിത് ഷാ കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.