നോട്ട്​ ക്ഷാമം: മധ്യപ്രദേ​ശിൽ ജനങ്ങൾ റേഷൻകട കൊള്ളയടിച്ചു

ഛത്തർപൂർ: നി​ത്യോപയോഗ സാധനങ്ങൾക്ക്​ ക്ഷാമമുണ്ടായതിനെ തുടർന്ന്​ മധ്യപ്രദേശിൽ ജനങ്ങൾ റേഷൻകട കൊള്ളയടിച്ചു. നോട്ടുകൾ പിൻവലിക്കാനുള്ള സർക്കാർ തീരുമാനം പുറത്തു വന്നതോടെ ജനങ്ങൾക്ക്​ നിത്യോപയോഗ സാധനങ്ങൾ പലതും വാങ്ങിക്കുവാൻ സാധിച്ചിരുന്നില്ല. ഇതോടപ്പം രാജ്യത്ത്​ ഉപ്പിന്​ വില കൂടുമെന്ന പ്രചാരണവുമാണ്​ റേഷൻ കട കൊള്ളയടിക്കുന്നതിലേക്ക്​ ജനങ്ങളെ നയിച്ചതെന്നാണ്​ സൂചന.

#WATCH: Madhya Pradesh (11/11/16): Locals robbed ration shop in Chattarpur after owners refused to give ration pic.twitter.com/TAF0yau9U9

— ANI (@ANI_news) November 12, 2016

നോട്ടുകൾക്ക്​ ക്ഷാമം നേരിട്ടതിനെ തുടർന്ന്​ ആളുകൾ കട കൊള്ളയടിച്ചു എന്നാണ്​ കടയുടമ പറയുന്നത്​. എന്നാൽ മറ്റൊരു വാദവും നിലവിലുണ്ട്​. ഇൗ റേഷൻ കടയിൽ നിന്ന്​ ജനങ്ങൾക്ക്​ നാലു മാസമായി റേഷൻ സാധനങ്ങളൊന്ന​​ും കൊടുത്തി​െല്ലന്ന​ും ഇതാണ്​ ജനങ്ങളെ പ്രകോപിപ്പിച്ചതെന്നുമാണ്​ മറുവാദം.

ഉപ്പി​​െൻറ വില ഉത്തർപ്രദേശ്​ ഉൾപ്പടെയുള്ള സംസ്​ഥാനങ്ങളിൽ 700 രുപ വരെ ഉയരുമെന്ന്​ പ്രചാരണങ്ങൾ നടക്കുന്നുണ്ട്​. ഇതും റേഷൻ കട കൊള്ളയടിക്കുന്നതിലേക്ക്​ നയിച്ചു എന്നാണ്​ ദേശീയ മാധ്യമങ്ങൾ റിപ്പോർട്ട്​ ചെയ്യുന്നത്​.