റഫാൽ: സംവാദത്തിന്​ തയ്യാർ, സമയം സർക്കാറിന്​ നിശ്​ചയിക്കാമെന്ന്​ കോൺഗ്രസ്​

ന്യൂഡൽഹി: റഫാൽ യുദ്ധവിമാന ഇടപാടുമായി ബന്ധപ്പെട്ട വിവാദത്തിൽ സംവാദത്തിന്​ കേന്ദ്ര മന്ത്രി അരുൺ ജെയ്​റ്റ്​ലിയുടെ വെല്ലുവിളി ഏറ്റെടുത്ത്​ കോൺഗ്രസ്​. ബുധനാഴ്​ച സംവാദം ആവാമെന്നും അതിനുള്ള സമയം കേന്ദ്ര സർക്കാറിന്​ തീരുമാനിക്കാമെന്നും കോൺഗ്രസ്​ നേതാവ്​ മല്ലികാർജ്ജുൻ ഖാർഗെ തിങ്കളാഴ്​ച ലോക്​സഭയിൽ പറഞ്ഞു.

റഫാൽ ഇടപാട്​ സംയുക്ത പാർലമ​​​െൻററി കമ്മിറ്റി അന്വേഷിക്കണമെന്ന ആവശ്യം​ ഖാർഗെ ആവർത്തിച്ചപ്പോഴാണ്​ അരുൺ ജെയ്​റ്റ്​ലി ഖാർഗെയെ സംവാദത്തിന്​ ക്ഷണിച്ചത്​. സർക്കാർ മറുപടി നൽകാൻ തയാറാ​െണന്നും ഖാർഗെ ചർച്ചയിൽ നിന്ന്​ ഒളിച്ചോടുകയാണെന്നും അരുൺ ജെയ്​റ്റ്​ലി അഭിപ്രായപ്പെട്ടിരുന്നു.

തുടർന്ന്​ സഭ പിരിയുന്നതിന്​ തൊട്ടു മുമ്പ്​ സംവാദത്തിന്​ തയാറാ​െണന്നും അതിനുള്ള​ സമയം നിശ്​ചയിക്കണമെന്നും മല്ലികാർജ്ജുൻ ഖാർഗെ സ്​പീക്കർ സുമിത്ര മഹാജനെ അറിയിക്കുകയായിരുന്നു.