ജയ്പൂർ: മന്ത്രി സഹപ്രവർത്തകനെ മർദിച്ച സംഭവത്തിൽ പ്രതിഷേധിച്ച് രാജസ്ഥാൻ വൈദ്യുതി ബോർഡ് ജീവനക്കാർ സമരത്ത ിൽ. സഹമന്ത്രിയായ അശോക് ചന്ദന എക്സിക്യൂട്ടീവ് എഞ്ചിനീയറായ ജെ.പി മീണയെ മർദിക്കുകയും അധിക്ഷേപിക്കുകയും ചെയ് തതിൽ പ്രതിഷേധിച്ചാണ് വൈദ്യുതി ബോർഡ് ജീവനക്കാർ ബുന്ദിയിൽ കുത്തിയിരിപ്പ് സമരം നടത്തുന്നത്.
മന്ത്രി പുറത്താക്കിയ ജീവനക്കാരനെ വീണ്ടും പണിക്കെടുത്തതിനാണ് എക്സിക്യുട്ടീവ് എഞ്ചിനീയറെ മർദിച്ചത്. ഷർട്ടിെൻറ കോളറിൽ കയറിപിടിച്ച മന്ത്രി തന്നെ മർദിക്കുകയും അസഭ്യം പറയുകയും ചെയ്തുവെന്നും വിശദീകരണം കേൾക്കാൻ തയാറായില്ലെന്നും മീണ പറഞ്ഞു.
മന്ത്രിക്കെതിരെ നടപടിയാവശ്യപ്പെട്ടാണ് ആർ.എസ്.ഇ.ബി ജീവനക്കാർ സമരം ചെയ്യുന്നത്. മന്ത്രിക്കെതിരെ കേസെടുക്കണമെന്നും തങ്ങൾക്ക് നീതി ഉറപ്പാക്കണമെന്നും ജീവനക്കാർ ആവശ്യപ്പെട്ടു. കായികം, യുവജനേക്ഷമം, തൊഴിൽ, വൈദഗ്ധ്യ വികസനം, ഗതാഗതം തുടങ്ങിയ വകുപ്പുകളുടെ ചുമതലയുള്ള സഹമന്ത്രിയാണ് അശോക് ചന്ദന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.