േജാധ്പൂർ: രാജസ്ഥാനിലെ സർപഞ്ച് സംഘ് യോഗത്തിനെത്തിയ ഗ്രാമമുഖ്യയോട് നിലത്തിരിക്കാൻ ആവശ്യപ്പെട്ട കോൺ ഗ്രസ് എം.എൽ.എക്കെതിരെ പ്രതിഷേധം. യോഗത്തിന് എത്തിയ ഗ്രാമമുഖ്യ ചന്ദുദേവിയോട് കസേരയുണ്ടായിട്ടും നാട്ടുക ാർക്കിയിൽ നിലത്തരിക്കാൻ കോൺഗ്രസ് എം.എൽ.എ ദിവ്യ മഡേർന ആവശ്യപ്പെടുകയായിരുന്നു. ശനിയാഴ്ച നടന്ന സംഭവത്തിെൻറ വിഡിയോ ദൃശ്യങ്ങൾ പ്രചരിക്കുന്നുണ്ട്.
തുടർന്ന് ദിവ്യ മഡേർന മാപ്പ് പറയണമെന്ന് രാജസ്ഥാൻ സർപഞ്ച് സംഘ് ആവശ്യപ്പെട്ടു. വനിതാ സർപഞ്ചിനെ അപമാനിച്ച ദിവ്യ മാപ്പ് പറയണം. ഇല്ലെങ്കിൽ അനന്തര നടപടികൾ അഭിമുഖീകരിക്കാൻ തയാറാകണം - സർപാഞ്ച് സംഘ് പ്രസിഡൻറ് വ്യക്തമാക്കി. സ്ത്രീ എന്ന നിലയിൽ വനിതാ പൊതുപ്രവർത്തകയിൽ നിന്ന് ഇത്തരമൊരു അപമാനം പ്രതീക്ഷിച്ചിരുന്നില്ലെന്ന് ചന്ദുദേവി പറഞ്ഞു.
ദിവ്യയെ എം.എൽ.എയായി തെരഞ്ഞെടുത്തതിന് ഗ്രാമവാസികൾക്ക് നന്ദി പറയുന്നതിനാണ് യോഗം ചേർന്നത്. യോഗത്തിൽ എത്തിയ ചന്ദുദേവി ആദ്യം വേദിയിൽ കസേരയിൽ ഇരിക്കുകയും എന്നാൽ പിന്നീട് ദിവ്യ അവരോട് സദസിലേക്ക് മാറിയിരിക്കാൻ ആവശ്യപ്പെടുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.