ന്യൂഡൽഹി: മലപ്പുറത്തെ ചുങ്കത്തറ, കുറുമ്പിലങ്ങോട് ഗ്രാമങ്ങളെ ബന്ധിപ്പിക്കുന്ന കൈപ്പിനിക്കടവ് പാലം പുനർനിർമിക്കാൻ നടപടി വേണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന് വയനാട് എം.പി രാഹുൽ ഗാന്ധിയുടെ കത്ത്. അടുത്തയിടെ മണ്ഡലം സന്ദർശിച്ചപ്പോൾ കുറുമ്പിലങ്ങോട്, ചുങ്കത്തറ ഗ്രാമവാസികളെ കണ്ടിരുന്നുവെന്നും പ്രളയക്കെടുതിയിൽ വലിയ നാശമാണ് ഇൗ ഗ്രാമങ്ങൾക്ക് ഉണ്ടായതെന്നും രാഹുൽ വിശദീകരിച്ചു.
ചാലിയാറിനു കുറുകെയുള്ള പാലം രണ്ടു നാടുകളെ ബന്ധിപ്പിക്കുന്ന ജീവനാഡിയായിരുന്നു. പാലം ഇല്ലാതായത് പ്രളയക്കെടുതിയിൽ നിന്ന് ഉയിർത്തെഴുന്നേൽക്കാനുള്ള ശ്രമങ്ങളെയും മന്ദഗതിയിലാക്കി. സ്ഥിരം സംവിധാനം ഉണ്ടാകുന്നതുവരെ താൽക്കാലിക പാലം നിർമിച്ചു നൽകണമെന്നും രാഹുൽ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.