ന്യൂഡൽഹി: ലോകമെമ്പാടും വ്യാപിച്ചുകൊണ്ടിരിക്കുന്ന കോവിഡ് മഹാമാരി ഇന്ത്യക്ക് വെല്ലുവിളിയും അവസരവുമാണെന് ന് കോൺഗ്രസ് എം.പി രാഹുല്‍ ഗാന്ധി. കോവിഡിനെ നേരിടാൻ നൂതന മാർഗങ്ങൾ സ്വീകരിക്കേണ്ടതുണ്ടെന്നും രാഹുൽ ട്വിറ്റ റിലൂടെ അഭിപ്രായപ്പെട്ടു.
കോവിഡ്19 മഹാമാരി വലിയ വെല്ലുവിളിയാണ്. എന്നാല്‍ ഇത് ഒരു അവസരം കൂടിയാണ്. പ്രതിസന്ധിക്ക് നൂതന പരിഹാരം കണ്ടെത്തുന്നതിനായി നമ്മുടെ ശാസ്ത്രജ്ഞരേയും എഞ്ചിനീയര്‍മാരേയും ഡാറ്റാ വിദഗ്ധരേയും കൂട്ടിച്ചേര്‍ക്കേണ്ടതുണ്ട് - രാഹുല്‍ ട്വീറ്റ് ചെയ്തു.
കോവിഡിനെ നേരിടാൻ പ്രഖ്യാപിച്ച നിയന്ത്രണങ്ങൾ എടുത്തു മാറ്റുന്നതോടെ രോഗം വീണ്ടും പടരില്ലെന്ന് ഉറപ്പാക്കാനുള്ള നടപടികൾ സർക്കാർ സ്വീകരിക്കണമെന്ന് വിഡിയോ പ്രസ് മീറ്റിലൂടെ രാഹുൽ ഗാന്ധി ആവശ്യപ്പെട്ടിരുന്നു. കോവിഡിനെ തുരത്താൻ കൂടുതല്‍ പരിശോധനകള്‍ നടത്തണമെന്നും അദ്ദേഹം അഭിപ്രായപ്പെട്ടിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.