കേന്ദ്രപാറ: ബന്ധം വേർപിരിക്കാൻ ശ്രമിച്ചാൽ ആത്മഹത്യ ചെയ്യുമെന്ന് ഒഡിഷക്കാരികളായ സ്വവർഗാനുരാഗികളുടെ ഭീഷണി. ഒഡിഷയിലെ കേന്ദ്രപാറ സ്വദേശികളാണ് ഭീഷണി മുഴക്കിയത്. 20 വയസ്സുകാരികളായ ഇരുവരും വിവാഹംകഴിക്കാൻ അനുവാദം തേടി കേ ന്ദ്രപാറ ലോക്കൽ കോടതിയിൽ സത്യവാങ്മൂലം സമർപ്പിച്ചിട്ടുണ്ട്.
കഴിഞ്ഞ അഞ്ചു മാസക്കാലമായി ഇരുവരും ഒരുമിച്ചാണ് കഴിയുന്നത്. എന്നാൽ ഇവരുടെ കുടുംബാംഗങ്ങൾ ബന്ധത്തിൽ അസ്വസ്ഥരാണ്. കഴിഞ്ഞ 12ന് ഇരുവരും കേന്ദ്രപാറയിൽ നിന്ന് ഒഡിഷ തലസ്ഥാനമായ ഭുവനേശ്വറിലേക്ക് താമസം മാറിയിരുന്നു. തെൻറ മകളെ തട്ടിക്കൊണ്ടു പോയി വിവാഹംകഴിക്കാൻ നിർബന്ധിക്കുകയാണെന്ന് ഒപ്പമുള്ള യുവതിക്കെതിരെ യുവതികളിൽ ഒരാളുടെ പിതാവ് പരാതി നൽകിയിട്ടുണ്ട്. പരാതിയുടെ അടിസ്ഥാനത്തിൽ യുവതിക്കെതിരെ പൊലീസ് കേസെടുത്തു.
യുവതികൾ ഭുവനേശ്വറിൽ നിന്ന് രക്ഷപ്പെട്ടതായും അവരുടെ മൊഴി രേഖപ്പെടുത്തിയിട്ടുണ്ടെന്നും പൊലീസ് ഒാഫീസർ രഞ്ജൻ കുമാർ പറഞ്ഞു. മൊഴിയെടുക്കവെ ഇരുവരും ഒരുമിച്ചു ജീവിക്കാൻ താത്പര്യം പ്രകടിപ്പിച്ചതായും തമ്മിൽ പിരിക്കാൻ എന്തെങ്കിലും ശ്രമം നടന്നാൽ ആത്മഹത്യ ചെയ്യുമെന്ന് ഭീഷണി മുഴക്കിയതായും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.