ശ്രേയ ഘോഷാൽ, മോഹൻ ലാൽ
ന്യൂഡൽഹി: നടൻ മോഹൻ ലാൽ, ഗായിക ശ്രേയ ഘോഷാൽ എന്നിവരടക്കം അമിത വണ്ണത്തിനെതിരായ പ്രചാരണത്തിന്റെ ഭാഗമായി വിവിധ മേഖലകളിലെ 10 പ്രമുഖരെ നാമനിർദേശം ചെയ്ത് പ്രധാനമന്ത്രി നരേന്ദ്രമോദി.
ജമ്മു കശ്മീർ മുഖ്യമന്ത്രി ഉമർ അബ്ദുല്ല, വ്യവസായി ആനന്ദ് മഹീന്ദ്ര, നടൻ ആർ. മാധവൻ, ഭോജ്പുരി ഗായിക നിരാഹ്വ, ഒളിമ്പിക് മെഡൽ ജേതാക്കളായ മനു ഭാക്കർ, മീരാഭായി ചാനു, ഇൻഫോസിസ് സഹസ്ഥാപകൻ നന്ദൻ നിലേക്കനി, രാജ്യസഭാംഗം സുധാ മൂർത്തി എന്നിവരാണ് മോദി നാമനിർദേശം ചെയ്ത മറ്റുള്ളവർ. ഇവരോട് 10 പേരെ കൂടി നിർദേശിക്കാനും മോദി ആവശ്യപ്പെട്ടു. എക്സ് വഴിയായിരുന്നു മോദിയുടെ ചാലഞ്ച്.
അമിത വണ്ണവും ഭക്ഷ്യ എണ്ണയുടെ അമിത ഉപഭോഗവും കുറക്കാൻ കഴിഞ്ഞ മൻ കി ബാത്തിൽ മോദി ആഹ്വാനം ചെയ്തിരുന്നു. എപ്പിസോഡിനു ശേഷം എണ്ണയുടെ ഉപഭോഗം 10 ശതമാനം കുറക്കാൻ 10 പേരെ ചാലഞ്ച് ചെയ്യുമെന്നും ഇവരോട് 10 പേരെ കൂടി നിർദേശിക്കാൻ ആവശ്യപ്പെടുമെന്നും മോദി എക്സിൽ കുറിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.