ബംഗളൂരു: ലോക് ഡൗണിൽ അവശ്യവസ്തുക്കൾ വാങ്ങാനുള്ള ബുദ്ധിമുട്ടിനെത്തുടർന്ന് മാഗി ന് യൂഡിൽസും കോഴിമുട്ടയും വേണമെന്ന് പ്രധാനമന്ത്രിക്ക് ട്വീറ്റ് ചെയ്ത് മംഗളൂരുവിലെ മെ ഡിക്കൽ വിദ്യാർഥികൾ. ട്വീറ്റ് ചെയ്ത് അരമണിക്കൂറിനുള്ളിൽ അവർക്കാവശ്യമായ മാഗിയും കോഴിമുട്ടയും അവരുടെ ഫ്ലാറ്റിലെത്തി.
ഉത്തരേന്ത്യയിൽനിന്നുള്ള മെഡിക്കൽ വിദ്യാർഥിനിയായ സൗമ്യ സിങ് ആണ് പ്രധാനമന്ത്രിയെ ടാഗ് ചെയ്ത് ട്വീറ്റ് ചെയ്തത്. മംഗളൂരുവിലെ വനിത ഹോസ്റ്റലിലാണ് സൗമ്യയും മറ്റു മെഡിക്കൽ വിദ്യാർഥികളും കഴിഞ്ഞിരുന്നത്. ട്വീറ്റ് ശ്രദ്ധയിൽപെട്ട കർണാടക അർബൻ ഡെലപ്മെൻറ് അഡീഷനൽ ചീഫ് സെക്രട്ടറി രാകേഷ് സിങ് ഇക്കാര്യം അധികൃതരെ അറിയിക്കുകയായിരുന്നു.
ദക്ഷിണ കന്നടയുടെ കോവിഡ് വാർ റൂമിെൻറ ചുമതലയുള്ള എം.പി നളിൻ കുമാർ കട്ടീലിനെയാണ് വിവരം അറിയിച്ചത്. തുടർന്ന് എം.പിയുടെ നിർദേശാനുസരണം വിദ്യാർഥിയുടെ നമ്പർ ശേഖരിച്ച് എന്തൊക്കെയാണ് വേണ്ടതെന്ന് ഉദ്യോഗസ്ഥർ ചോദിച്ചു. തുടർന്ന് വിദ്യാർഥികൾ ആവശ്യപ്പെട്ട ആറ് പാക്കറ്റ് മാഗിയും 12 കോഴിമുട്ടയും അരമണിക്കൂറിനുള്ളിൽ ഹോസ്റ്റലിൽ എത്തിക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.