പട്ന: ലോക്സഭ തെരഞ്ഞെടുപ്പിൽ രാഹുൽ ഗാന്ധിയെ പ്രധാനമന്ത്രി സ്ഥാനാർഥിയായി കോൺഗ്രസ് ഉയർത്തിക്കാട്ടുന്നതിൽ തനിക്ക് പ്രശ്നമില്ലെന്ന് ബിഹാർ മുഖ്യമന്ത്രി നിതീഷ് കുമാർ. 2024ലെ ലോക്സഭാ തെരഞ്ഞെടുപ്പിൽ ‘പ്രതിപക്ഷത്തിന്റെ പ്രധാനമന്ത്രി മുഖം’ രാഹുൽ ആയിരിക്കുമെന്ന് മധ്യപ്രദേശ് മുൻ മുഖ്യമന്ത്രി കമൽനാഥിന്റെ പ്രസ്താവനയോട് പ്രതികരിക്കുകയായിരുന്നു അദ്ദേഹം. ബി.ജെ.പിയെ എതിർക്കുന്ന പാർട്ടികളെ ശക്തിപ്പെടുത്തുന്നതിനുള്ള തന്റെ പ്രതിജ്ഞാബദ്ധത അദ്ദേഹം ആവർത്തിച്ചു. ഉന്നത സ്ഥാനത്തിന് താൻ അവകാശവാദമുന്നയിക്കില്ലെന്ന് അഞ്ച് മാസം മുമ്പേ വ്യക്തമാക്കിയ കാര്യം ജെ.ഡി.യു നേതാവ് ഓർമിപ്പിച്ചു. സംസ്ഥാനത്തെ സഖ്യകക്ഷിയായ കോൺഗ്രസുമായി പ്രശ്നങ്ങളൊന്നുമില്ലെന്നും അദ്ദേഹം തുറന്നുപറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.