ലഖ്നോ: 2022ലെ നിയമസഭ തെരഞ്ഞെടുപ്പിലും ഉത്തർപ്രദേശിൽ വിജയിക്കുമെന്ന് മുഖ്യമന്ത്രി യോഗി ആദിത്യ നാഥ്. അടുത്ത അഞ്ച് വർഷത്തേക്കുള്ള പദ്ധതി തയാറാക്കിയെന്നും ആദിത്യനാഥ് പറഞ്ഞു. ന്യൂസ് 18 ചാനൽ സംഘടിപ്പിച്ച പരിപാടിയിലായിരുന്നു പരാമർശം.
കഴിഞ്ഞ നാല് വർഷത്തിനുള്ളിൽ നാല് ലക്ഷം യുവാക്കൾക്ക് ജോലി നൽകി. പ്രതിശീർഷ വരുമാനം ഇരട്ടിയാക്കി. യു.പിയിൽ നിക്ഷേപം പ്രോൽസാഹിപ്പിക്കുന്നതിനുള്ള നയം സ്വീകരിച്ചിട്ടുണ്ടെന്നും അദ്ദേഹം അവകാശപ്പെട്ടു. യു.പി സർക്കാറിന്റെ അഭിമാന പദ്ധതിയായ ഫിലിം സിറ്റിയെ കുറിച്ചും അദ്ദേഹം അഭിപ്രായപ്രകടനം നടത്തി.
യു.പി ഫിലിം സിറ്റിയുടെ ഭാഗമാകാൻ ആരെയും നിർബന്ധിക്കില്ല. മഹാരാഷ്ട്ര സർക്കാർ ചലച്ചിത്ര പ്രവർത്തകർക്ക് സുരക്ഷ നൽകുന്നതിൽ പരാജയപ്പെട്ടു. ഒരു അധോലോക നായകനും യു.പിയിൽ സ്ഥാനമുണ്ടാവില്ലെന്നും യോഗി ആദിത്യനാഥ് ചൂണ്ടിക്കാട്ടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.