ലക്നോ: അന്തർദേശീയ യോഗ ദിനത്തിൽ മുസ്ലീംകൾ പെങ്കടുക്കുന്നതിൽ അപാകതയില്ലെന്ന് മുതിർന്ന സുന്നി പുരോഹിതനും മുസ്ലിം വ്യക്തി നിയമ ബോർഡ് അംഗവുമായ മൗലാനാ ഖാലിദ് റഷീദ് ഫറംഗി മഹാലി. യോഗയിൽ ഒരു തരത്തിലുള്ള പൂജയുമില്ല. അതിനാൽ മുസ്ലിംകൾക്കും യോഗ ചെയ്യാം. യോഗ നല്ലതും അഭ്യസിക്കേണ്ടതുമാണ്. യോഗ ദിന ആഘോഷത്തിനിടെ എന്തെങ്കിലും പൂജകൾ നടക്കുന്നുവെങ്കിൽ അതിൽ നിന്ന് വിട്ടു നിൽക്കുക മാത്രമാണ് മുസ്ലീംകൾ ചെയ്യേണ്ടതെന്നും ഖാലിദ് റഷീദ് ന്യൂസ്18നോട് പറഞ്ഞു.
ഇൗ വർഷം ജൂൺ 21ന് നടക്കുന്ന യോഗ ദിനാഘോഷത്തിെൻറ പ്രധാന വേദി ലക്നോവിലെ രമാബായ് അംബേദ്കർ മൈതാനിയാണ്. അവിടെ പ്രധാനമന്ത്രി നരേന്ദ്ര മോദിക്കും യു.പി മുഖ്യമന്ത്രി യോഗി ആദിത്യനാഥിനുമൊപ്പം യോഗ ദിനാഘോഷത്തിൽ പെങ്കടുക്കുന്ന 55000 പേരിൽ 300 പേർ മുസ്ലീംകളാണെന്ന് റിപ്പോർട്ടുകൾ പറയുന്നു.
ജൂൺ 21 അന്താരാഷ്ട്ര യോഗ ദിനമായി ആചരിക്കാൻ െഎക്യരാഷ്ട്ര സഭ തീരുമാനിച്ചത് 2014ലാണ്. 2015 ലാണ് ആദ്യ യോഗ ദിനാഘോഷം സംഘടിപ്പിച്ചത്. ഇന്ത്യയിൽ ഡൽഹിയിലെ രാജ്പതിലായിരുന്നു ആഘോഷം. കഴിഞ്ഞ വർഷം ഛണ്ഡീഗട്ടിൽ െവച്ചും ആചരിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.