മുംബൈ: േകാവിഡിന്റെ രണ്ടാം തരംഗത്തിൽ വലയുന്ന മഹാരാഷ്ട്രക്ക് ആശ്വാസമായി ഇന്ത്യയുടെ വ്യവസായ തലസ്ഥാനമായ മുംബൈയിൽ പ്രതിദിന കോവിഡ് രോഗികളുെട എണ്ണത്തിൽ നേരിയ കുറവ്. 7000 പേർക്കാണ് മുംബൈയിൽ രോഗബാധ സ്ഥിരീകരിച്ചത്. തിങ്കളാഴ്ചയും മുംബൈയിൽ കോവിഡ് രോഗികളുടെ എണ്ണം കുറഞ്ഞിരുന്നു. 7381 പേർക്കാണ് തിങ്കളാഴ്ച രോഗബാധ സ്ഥിരീകരിച്ചത്.
ഏപ്രിൽ നാലിന് 11,163 പേർക്ക് മുംബൈയിൽ കോവിഡ് സ്ഥിരീകരിച്ചിരുന്നു. പിന്നീടുള്ള ദിവസങ്ങളിലെല്ലാം രോഗികളുടെ എണ്ണം ഉയർന്നിരുന്നു. എന്നാൽ, കഴിഞ്ഞ ഏതാനം ദിവസങ്ങളായി രോഗികളുടെ എണ്ണത്തിൽ നേരിയ കുറവ് രേഖപ്പെടുത്തുന്നുണ്ട്.
മുംബൈയിൽ ഇതുവരെ 5.9 ലക്ഷം പേർക്കാണ് കോവിഡ് സ്ഥിരീകരിച്ചത്. കഴിഞ്ഞ ദിവസം 47,000 സാമ്പിളുകളാണ് മുംബൈയിൽ പരിശോധിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.