ലഖ്നോ: ഉത്തര്‍പ്രദേശില്‍ കാണാതായ പെണ്‍കുട്ടിയെ കരിമ്പിന്‍ പാടത്ത് മരിച്ച നിലയില്‍ കണ്ടെത്തി. ലഖീംപൂർ ഖേരിയിലെ പസഗ്വാൻ ഗ്രാമത്തിലുളള കരിമ്പിൻ തോട്ടത്തിലെ വെള്ളക്കെട്ടിലാണ് കഴുത്തിൽ മുറിവേറ്റ നിലയിൽ കൗമാരക്കാരിയുടെ മൃതദേഹം കെണ്ടത്തിയത്.
വെള്ളിയാഴ്ചയാണ് പെൺകുട്ടിയെ ഗ്രാമത്തിൽ നിന്ന് കാണാതായത്്. തുടർന്ന് വീട്ടുകാർ പൊലീസിൽ പരാതി നൽകിയിരുന്നു. ഞായറാഴ്ച വൈകീട്ട് സമീപവാസികളാണ് കരിമ്പിൻ തോട്ടത്തിൽ പെൺകുട്ടിയുടെ മൃതദേഹം കണ്ടെത്തിയത്.
കഴുത്തിനു പരിക്കേറ്റ നിലയില്‍ കണ്ടെത്തിയ പെണ്‍കുട്ടിയെ കൊലപ്പെടുത്തിയതാണെന്നാണ് സംശയിക്കുന്നതായി പൊലീസ് പറഞ്ഞു. മൃതദേഹം പോസ്റ്റ്‌മോര്‍ട്ടത്തിന് അയച്ചു. ഫോറന്‍സിക് സംഘം സ്ഥലത്തെത്തി പരിശോധന നടത്തുമെന്ന് അഡീഷണൽ പൊലീസ് സൂപ്രണ്ട് എ.കെ സിങ്ങ് അറിയിച്ചു.
ഗ്രാമത്തിൽ ഒരു വിധത്തിലുള്ള സമുദായ സംഘര്‍ഷവും നിലനിന്നിരുന്നില്ലെന്ന് പെൺകുട്ടിയുടെ രക്ഷിതാക്കൾ പറഞ്ഞിരുന്നതായി പൊലീസ് അറിയിച്ചു.
ഖേരി പൊലീസ് സൂപ്രണ്ട് വിജയ് ധുള്ളിൻെറ നേതൃത്വത്തിൽ പസഗ്വാൻ പൊലീസിനെ കൂടാതെ ക്രൈംബ്രാഞ്ച് സംഘത്തെയും അന്വേഷണത്തിനായി നിയോഗിച്ചിട്ടുണ്ട്. പോസ്റ്റ്‌മോർട്ടം റിപ്പോർട്ട് ലഭിച്ച ശേഷം തുടർനടപടികൾ സ്വീകരിക്കുമെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.